23 އަދި 24 ނޮވެންބަރު ވީ ދެދުވަހު ޖުމުލަ 5 ލައްކައަށް ވުރެ ގިނަ ރުފިޔާގެ ވައްކަން ހަމައެކަނި މާލެއިން ރިޕޯޓުކުރެވިފައިވާކަމަށް ފުލުހުން މައުލޫމާތުދީފިއެވެ.

މިއަދު 'އެކްސް' ގައި ފުުލުހުން މާލޭގެ ސަލާމަތާއި ރައްކާތެރިކަން ކަށަވަރުކުރުމަށް ކުރަމުންދާ މަސައްކަތުގައި ހެންވޭރު، ގަލޮޅު އަދި މާފަންނު ޕޮލިސްއިން 48 ގަޑިއިރު ކޮށްފައިވާ މަސައްކަތުގެ ތަފާސް ހިސާބު ވަނީ ހިއްސާކޮށްފައެވެ.

މި ޕޯސްޓުގައި ވާގޮތުން 23 އަދި 24 ނޮވެންބަރުގައި ޖުމުލަ 530،090 ރުފިޔާގެ ވައްކަން ރިޕޯޓުކޮށްފައިވެއެވެ. މިތަނުން 211،800 ރުފިޔާގެ ވައްކަން ރިޕޯޓުކޮށްފައިވަނީ ގަލޮޅު ޕޮލިހަށެވެ. 116،500 ރުފިޔާގެ ވައްކަން ހެންވޭރު ޕޮލިހަށް އަދި 201،790 ރުފިޔާގެ ވައްކަން މާފަންނު ޕޮލިހަށް ރިޕޯޓުކޮށްފައިވެއެވެ. 

މި ވައްކަންތަކުން ޖުމުލަ 422،110 ރުފިޔާ ފުލުހުން ވަނީ އަލުން ހޯދައިދީފައެވެ. އެގޮތުން ގަލޮޅު ޕޮލިހުން 67100 ރުފިޔާ، ހެންވޭރު ޕޮލިހުން 232،580 ރުފިޔާ އަދި މާފަންނު ޕޮލިހުން 122،430 ރުފިޔާގެ ވައްކަން ވަނީ އަތުލައިގަނެފައެވެ. 

ޗެކުކުރެވުނު ސަރަހައްދުތައް:

· ގަލޮޅު ޕޮލިސް: 427

· ހެންވޭރު ޕޮލިސް: 687

· މާފަންނު ޕޮލިސް: 800

ޕެޓްރޯލުކުރެވުނު ވަގުތު:

· ގަލޮޅު ޕޮލިސް: 20 ގަޑިއިރަށްވުނެ ގިނަ

· ހެންވޭރު ޕޮލިސް: 16 ގަޑިއިރަށްވުނެ ގިނަ

· މާފަންނު ޕޮލިސް: 23 ގަޑިއިރަށްވުނެ ގިނަ

ސުވާލުކުރެވުނު މީހުންގެ އަދަދު:

· ގަލޮޅު ޕޮލިސް: 56

· ހެންވޭރު ޕޮލިސް: 130

· މާފަންނު ޕޮލިސް: 248

ހައްޔަރުކުރެވުނު މީހުންގެ އަދަދު:

· ގަލޮޅު ޕޮލިސް: 1

· ހެންވޭރު ޕޮލިސް: 0

· މާފަންނު ޕޮލިސް: 3