މިދުވަސްވަރަކީ ފަލަސްތީނަށް ފިނި މޫސުމު ދުވަސްވަރު ކަމަށްވާއިރު، ހާލުގައި ޖެހިފައިވާ މީހުންނާއި ކުދިން ފިނިން ރައްކާތެރި ކުރުމަށް ކުރާ މަސައްކަތުގައި ބައިވެރިވާން ބޭނުން ފަރާތްތަކަށް އެ ފުރުސަތު ހުޅުވާލައިފިއެވެ.

2023 ވަނަ އަހަރުގެ އޮކްޓޯބަރު މަހުން ފެށިގެން ނިރުބަވެރި އިސްރާއިލްގެ ޔަހޫދީން ޣައްޒާގައި ހިންގަމުންދިޔަ ގަތުލު ޢާއްމުގެ ސަބަބުން ޣައްޒާގެ އެތައް ހާސް އާއިލާއެއް ވަނީ މަގުމަތިވެފައެވެ. 

އެތަނުން އެއް ބަޔަކު ޓެންޓު ތަކުގައި ދިރިއުޅެމުންދާއިރު އަނެއް ބަޔަކު އަދިވެސް ދިރިއުޅެމުންދަނީ މަގުމަތީގައެވެ. މީގެ ތެރޭގައި އަންހެނުންނާއި، ކުޑަކުދިންގެ އިތުރުން ދުވަސްވީ މީހުންވެސް ހިމެނެއެވެ. 

މިފަދަ ހިތްދަތި ހާލަތެއްގައި ފަލަސްތީނުގެ ރައްޔިތުން ދިރިއުޅެމުންދާއިރު، މިދުވަސްވަރަކީ އެގައުމަށް ފިނިމޫސުމުގެ ދުވަސްތައް ކަމަށްވުމުން، ރައްޔިތުންގެ ޙާލަތުވަނީ އިތުރަށް ގޯސްވެފައެވެ. 

ފިނިން ރައްކާތެރިވުމަށް ލާނެ ހެދުމާއި ވަންނާނެ ތަނެއް ނެތި ތުއްތު ކުދިންނާއި މީހުން ތިބިއިރު، އެކުދިންނާއި މީހުންގެ ފުރާނަ ސަލާމަތް ކުރުމަށް ދިވެހިންގެ އެހީ ބޭނުންވެއެވެ. 

އެގޮތުން އެކުދިންނަށް އެހީ ފޯރުކޮށްދިނުމަށް އައިއޭސީން ފަށާފައިވާ “ސަވައިވިން ވިންޓާ“ ކެންޕެއިނަށް އެހީވުމުގެ ފުރުސަތު ވަނީ ހުރިހާ ދިވެހިންނަށް ހުޅުވާލާފައެވެ. 

އެހީވާން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމުން އެކަން ހަމަޖެހިގެންދާނެ ކަމަށް އައިއޭސީން ބުނެއެވެ. 

އެކައުންޓް ނަމްބަރު: 7770000062740

އެކައުންޓް ނަން: International Aid Campaign

އެކައުންޓް ލޭބަލް: seasonal projects.

.އައިއޭސީން ބުނީ އެ ޖަމިއްޔާގެ ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށް ކަމަށެވެ.