ލަންކާއަށް އެހީވުމަށް ބާއްވާ ”ސިލޯނާއެކު ދިވެހީން“ ޓެލެތޯން ފަށައިފި

ސިލޯނާއެކު ދިވެހީން ކެންޕެއިން: ފޮޓޯ/ ޕީއެސްއެމް

ސްރީލަންކާއަށް އެހީތެރިވުމުގެ ގޮތުން ބާއްވާ "ސިލޯނާއެކު ދިވެހީން" ޓެލެތޯން ފަށައިފިއެވެ.

ދައުލަތުގެ މީޑިއާ އާއި އަމިއްލަ 37 މީޑިއާ ގުޅިގެން ކުރޮއަށް ގެންދާ ޓެލެތޯން މިއަދު 9:00 މިރޭ 1:00 ޖެހުމާ ހަމައަށް ކުރިއަށް ދާނެއެވެ.

މީޑިއާގެ އިތުރުން މި ތެލެތޯނުގައި ޖަމއިްޔާ ޖަމާއަތްތަކާއި ކްލަބް އަދި އޮފީސްތަކަށްވެސް ބައިވެރިވެވޭނޭކަމަށް ޕީއެސްއެމުން ވަނީ ބުނެފައެވެ.

މި ޓެލެތޯނަށް ފަންޑު އެއްކުރުމަށްޓަކައި މާލެ، ހުޅުމާލެ އަދި ވިލިމާލޭގެ އެކި ސަރަޙައްދުތަކުގައި ފަންޑު ފޮށިތައް ބެހެއްޓުމުގެ އިތުރުން، ފައިސާ ޖަމާކުރުމަށް އިންތިޒާމްވެސް ވަނީ ހަމަޖައްސާފައެވެ.

މިގޮތުން، ޓީވީ ސްކްރީނަށް އަރާ ކިއުއާރްކޯޑު ސްކޭންކޮށްގެން، ނަގުދު ފައިސާ، ޓްރާންސްފަރ، އަދި ބޭންކް ޗެކް މެދުވެރިކޮށްވެސް ފައިސާ ހަދިޔާ ކުރެވޭނެއެވެ.

'ސިލޯންއާއެކު ދިވެހިން ޓެލެތޯން' އަށް އެހީވެވޭނީ:-

ރުފިޔާ އެކައުންޓު ނަމްބަރު :7730000796107

ރުފިޔާ އެކައުންޓު ނަން: ސިލޯންއާ އެކު ދިވެހިން

ޑޮލަރު އެކައުންޓު ނަމްބަރު: 7730000796106

ޑޮލަރު އެކައުންޓު ނަން: ސިލޯންއާ އެކު ދިވެހިން

ޓެލެތޯނުން ލިބޭ ފައިސާ ޖަމާކުރުމަށް ވަކި ޚާއްސަ އެކައުންޓެއް ވެސް ހަދާފައިވާއިރު މި މަސައްކަތް ދެފުށް ފެންނަ ގޮތަކަށް ކުރިއަށް ގެންދިއުމަށްޓަކައި، މިނިވަން އޮޑިޓް ފަރމެއްގެ ބެލުމުގެ ދަށުން މަސައްކަތް ކުރުމަށްވެސް ވަނީ ހަމަޖައްސާފައެވެ.

ކޮމެންޓް