ޕީއެންސީ ޕީޖީ ގްރޫޕްގެ ފަރާތުން ސިލޯނާއެކު ދިވެހިން ތެލެތޯނަށް 3 ލައްކަ ރުފިޔާ ހަދިޔާކޮށްފި
ދައުލަތުގެ މީޑިއާ ޕީއެސްއެމާއި ރާއްޖޭގެ އަމިއްލަ މީޑިއާތައް ގުޅިގެން މިހާރު ކުރިއަށްގެންދާ ސިލޯނާއެކު ދިވެހިން ތެލެތޯނަށް ޕީއެންސީ ޕާލިމެންޓްރީ ގްރޫޕްގެ ފަރާތުން 300،000 ރުފިޔާ ހަދިޔާކޮށްފިއެވެ.
ސިލޯނާއެކު ދިވެހިން ތެލެތޯނު ހަރަކާތުގައި ޕީއެންސީގެ ފަރާތުން މި އެހީ ހަވާލުކޮށްދެއްވީ ޕާލިމަންޓްރީ ގުރޫޕުގެ ބައެއް މެންބަރުންނާއި، ޕާޓީގެ ޗެއާޕާސަން އަދި މަޖިލީހުގެ ރައީސް އަބްދުއްރަހީމް އަބްދުﷲ އާއި ޕާލިމަންޓްރީ ގުރޫޕުގެ ލީޑަރު އިބްރާހީމް ފަލާހެވެ. ތެލެތޯންގެ ފަރާތުން އެހީއާ ހަވާލުވެވަޑައިގެންނެވީ ޕީއެސްއެމްގެ ޑެޕިއުޓީ މެނޭޖިންގ ޑިރެކްޓަރު ޔާމިން ރަޝީދެވެ.
ޕީއެންސީގެ ޓީމް ތެލެތޯންގައި..
އެހީ ހަދިޔާކުރެއްވުމަށްފަހު ވާހަކަދައްކަވަމުން ޕީއެންސީގެ ޗެއާޕާސަން އަދި މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ ސްރީލަންކާ އާއި ރާއްޖެއަކީ ޒަމާނުއްސުރެ ވަރަށް އަހުވަންތަ ދެ ޤައުމު ކަމަށާއި، ލަންކާއަކީ ދިވެހިން ވަރަށްގިނައިން ޒިޔާރަތްކުރާ ޤައުމެއްކަމަށް ފާހަގަކުރައްވާފައެވެ. ރާއްޖޭގައި ގިނަ އަދަދަކަށް ލަންކާ ރައްޔިތުން އުޅެމުންދާކަން ފާހަގަކުރައްވައި އަބްދުއްރަހީމް ވިދާޅުވީ ލަންކާއަށް ކުރިމަތިވި މި ހިތާމަވެރި ދަނޑިވަޅުގައި އެންމެފުރަތަމަ އެހީވި އެއްޤައުމަކީވެސް ރާއްޖެކަމަށެވެ.
އެގޮތުން މިއީ ލަންކާއާ ދިވެހިރާއްޖޭގެ ހާރިޖީ ގުޅުން ވަރުގަދަކަމުގެ ހެތްކެއްކަން ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
