ހުޅުމާލެއިން ގެއްލިގެން ހޯދަމުންދިޔަ 14 އަހަރުގެ އަންހެން ކުއްޖާ ފެނިއްޖެ
ހުޅުމާލެ ފޭސް 2 ކުން ގެއްލިގެން ހޯދަމުންދިޔަ 14 އަހަރުގެ އަންހެން ކުއްޖާ ފެނިއްޖެކަމަށް ފުލުހުން ބުނެފިއެވެ.
ގެއްލިގެން ހޯދަމުންދިޔަ ކުއްޖަކީ ރ. ދުވާފަރަށް ނިސްބަތްވާ ކުއްޖެކެވެ. އެ ކުއްޖާ ގެއްލިގެން ހޯދުމުގެ މަސައްކަތް ފެށީ އާއިލާއަށް ހަބަރެއް ނުވެގެންނެވެ.
ފުލުހުން ބުނީ، 2025 ނޮވެމްބަރު 28 ވަނަ ދުވަހުގެ 05:55 އެހާކަންހާއިރު ޝިބާ އޭނާ ދިރިއުޅޭ ގެއިން ނުކުމެގެން ދިޔަގޮތަށް ވީނުވީއެއް ނޭނގި ގެއްލިފައިވާކަމަށް އާއިލާގެ ފަރާތުން ރިޕޯޓްކޮށްފައިވަނީ ނޮވެމްބަރު ހަމަ އެދުވަހު ކަމަށެވެ.
އެ ކުއްޖާ މިރޭގެ ވަގުތެއްގައި އަމިއްލައަށް ގެއަށް އައިސްފައިވާކަމުގެ މައުލޫމާތު ލިބިފައިވާކަމަށް ފުލުހުން ވަނީ ބުނެފައެވެ. ކުއްޖާ ގެއަށް އާއިރު ހާލު ރަނގަޅުކަމަށްވެސް ފުލުހުން ބުންޏެވެ.
Advertisement
This content is created and paid for by advertisers and does not involve Voice Journalists
