ގަވައިދާ ހިލާފަށް ވިޔަފާރިކުރާ ފަރާތްތަކަށް އަމާޒުކޮށްގެން ހިންގި އޮޕްރޭޝަންއެއްގެ ތެރެއިން ހުއްދަ ނުނަގާ ދުންފަތުގެ ބާވަތްތައް ވިއްކަމުން ދިޔަ ތަނެއް ބަންދުކޮށްފިއެވެ.

ފުލުހުން މިއަދު އެކްސްގައި ކުރި ޓުވީޓުގައި ވާގޮތުން ގަވާއިދާ ޚިލާފަށް ބިދޭސީން ކުރާ ވިޔަފާރިތައް ހުއްޓުވުމަށް ހިންގުނު މި އޮޕަރޭޝަންގައި 6 ތަނެއް ބަލައިފާސްކޮށްފައިވެއެވެ. 

މި އޮޕަރޭޝްންގައި މި ވަޔަފާއި ބަންދުކޮށްފައި މިވަނީ، ޤަވާއިދާ ޚިލާފަށް ވިޔަފާރިކުރާ ފަރާތްތަކަށް އަމާޒުކޮށްގެން ވިޔަފާރިއާއި އިޤްތިޞާދާ ބެހޭ ވުޒާރާއާއި، ފުލުހުންނާއި، އިމިގްރޭޝަން އަދި ކަސްޓަމްސް ގުޅިގެން ފަށާފައިވާ މަސައްކަތުގެ ދަށުންނެވެ. 

މި އޮޕަރޭޝަންގައި ބިދޭސީން ޤަވާއިދާ ޚިލާފަށް ވިޔަފާރިކުރާ ކަމަށް ބެލެވޭ ތަންތަނުގެ މަޢުލޫމާތު ހުށައެޅުމަށް އެދިފައިވެއެވެ. މިގޮތުން މިހާތަނަށް މިފަދަ 100 އެއްހާ ތަނުގެ މަޢުލޫމާތު ރިޕޯޓްކޮށްފައިވާ ކަމަށް ވިޔަފާރިއާއި އިޤްތިޞާދާ ބެހޭ ވުޒާރާއިން ވަނީ ވިދާޅުވެފައެވެ. އެގޮތުން ހުޅުވާލި ފުރަތަމަ 2 ދުވަހުގެ ތެރޭގައި 41 މައްސަލަ ހުށައަޅާފައިވެއެވެ. ޤަވާޢިދާ ޚިލާފަށް ބިދޭސީން ވިޔަފާރި ކުރަމުންގެންދާ ކަމުގެ ޝަކުވާ ސަރުކާރުގެ އިދާރާތަކަށް ލިބެމުންދާލެއް ގިނަވުމުން އިޤްތިޞާދީ ތަރައްޤީއާ ބެހޭ ވުޒާރާއިން ވަނީ ބިދޭސީން ރާއްޖޭގައި ވިޔަފާރި ކުރުން މަނާ 34 ދާއިރާއެއްގެ ލިސްޓެއް އެކުލަވާލާފައެވެ.

އެގޮތުން ދުންފަތަކީ މި އުސޫލުގެ ދަށުން ވިއްކުން މަނާ އެއްޗެކެވެ. ދުންފަތުގެ ބާވަތެއް ވިއްކުމަށް މި އަހަރުގެ ޖަނަވަރީ މަހުގެ 15 ވަނަ ދުވަހުން ފެށިގެން ވަނީ ހާއްސަ ލައިސަންސެއް ނަގަންޖެހޭ ގޮތަށް ޤާނޫނަށް ބަދަލު ގެނެސް އަމަލުކުރަން ފަށާފައެވެ.