ހުކުރު ދުވަސް ނަމަ މެންދުރަށް މީރުކޮށް ކައްކާލައި، މީރު ފޮނިއެއްޗެއްވެސް ތައްޔާރުކޮށްލުމަކީ ގިނަ ދިވެހިންގެ އާދައެކެވެ. އެހެންކަމުން މިއަދު މިއޮތީ މެންދުރުގެ ސުފުރާ ފަޅުފިލުވާލަދޭނެ މީރު ފޮނިއެއްޗެއްގެ ރެސިޕީއެވެ.

1 ޗޮކޮލެޓްކޭކު ފުއްޕެކެޓު

3 ބިސް

1/4 ޖޯޑު ތެޔޮ

1 ޖޯޑާއި 4 ސަމުސާ ފެން

ބަޓަރ ކޮޅެއް

ތައްޓެއްގެ ތެރޭގައި ބިސްތައް ރަނގަޅަށް މިކްސްކޮށްލާށެވެ. ދެން ތައްޓަކަށް، ޗޮކޮލެޓް ކޭކު ފުއްޕެކެޓު އެޅުމަށް ބިހާއި، ތެލާއި ފެން އަޅައިގެން ރަނގަޅަށް އެކުލަވާލާށެވެ. ދެން ކޭކުފިހާ ޓްރޭގައި ބަޓަރު އުނގުޅާލުމަށްފަހު ކޭކު މިކްސް އެއަށް އަޅާލައި ކޭކު އަވަނުން ފިހެލާށެވެ. 

2 ނެސްލޭ ކްރީމް ދަޅު

ގެރިކިރުދަޅުގެ 1/3

2 މޭޒުމަތީ ސަމުސާ ކޮކޯ ޕައުޑަރު

ކުޑަކޮފީކޮޅެއް

ހުރިހާތަކެތި ތެއްޔެއްގެ ތެރޭގައި ކައްކާލާށެވެ. ދެން ހިހޫ ކުރަން ބަހައްޓާށެވެ. 

500 މލ ވިޕިންގ ކްރީމް

2 މޭޒުމަތީ ސަމުސާ ގެރިކިރު (ފޮނިކުރަން ބޭނުންނަމަ ގިނައިން އެޅިދާނެ)

ވިޕިން ކްރީމް ވިޕް ކޮށްލުމަށްފަހު ގެރިކިރު އަޅާލައިގެންވެސް ވިޕް ކޮށްލާށެވެ. 

3 ނިޔުޓްރޯ ޗޮކޮލެޓް ބިސްކޯދު (އަތުން ބޮޑުކޮށް ފުނޑުކޮށްފައި) 

ކޭކުގެ މައްޗަށް ހިހޫ ވެފައި ހުރި ނެސްލޭ ކްރީމް ފިލިންގްސް އަޅާލާށެވެ. އޭގެ މައްޗަށް ބިސްކޯދު އަޅާލުމަށްފަހު މަތީގައި ވިޕްކްރީމް ފަތުރާލާފައި ފިނި ކޮށްލާށެވެ. ކޭކު ކްރީމް އެހުރީ ތައްޔާރުވެފައެވެ.