މިއަހަރުގެ ޖުލައި މަހުގެ 18 ވަނަ ދުވަހު، މަސްތުވާތަކެއްޗާއެކު ހައްޔަރު ކުރެވުނު ފުލުސް އޮފިސަރު އައިޝަތު ޝިޔާޒާ އަދިވެސް ވަޒީފާއިން ވަކި ނުކުރެވި ހުރި ސަބަބު ފުލުހުން ހާމަކޮށްފިއެވެ.
އެގޮތުން ފުލުހުން މިއަދު ބުނީ. ޝިޔާޒާގެ މައްޗަށް ތުހުމަތުކުރެވުނު މައްސަލާގައި މިމަހު 18 ވަނަ ދުވަހު ހައްޔަރުކުރުމާ ގުޅިގެން ހަމަ އެދުވަހު އޭނާ ސަސްޕެންޑް ކުރެވުނު ކަމަށެވެ.
އަދި ޑިސިޕްލިނަރީ ބޯޑުން ޝިޔާޒާގެ މައްސަލަ ބެލުމަށްފަހު އޭނާ ވަޒީފާއިން ވަކިކުރުމަށް 3 ސެޕްޓެމްބަރު ވަނަ ދުވަހު ނިންމާފައިވާ ކަމަށެވެ.
މީގެ އިތުރުން، މި މައްސަލައާ ގުޅިގެން ގަވާއިދުގެ ދަށުން އައިޝަތު ޝިޔާޒާއަށް ދީފައިވާ 3 މަސް ދުވަހުގެ ސަސްޕެންޝަންގެ މުއްދަތު 17 އޮކްޓޯބަރުގައި ހަމަވެފައިވާއިރު، މިހާރު އަމަލުކުރަމުންދާ ގަވާއިދުގެ ދަށުން ސަސްޕެންޑްކޮށްފައިވާ މުއްދަތު 3 މަސް ދުވަހަށްވުރެ ގިނަ ދުވަހުގެ މުއްދަތައް އިތުރުނުކުރެވޭކަންވެސް ފުލުހުން ފާހަގަކޮށްފައިވއެވެ.
އަދި ކޮންސްޓަބަލް އައިޝަތު ޝިޔާޒާ ވަނީ ޑިސިޕްލިނަރީ ބޯޑުން ނިންމާފައިވާ ނިންމުން އިސްތިއުނާފު ކުރުމަށް ހުށަހަޅާފައި. އަދި މައްސަލަ އިސްތިއުނާފު ކޮމިޓީން މިހާރު ދަނީ ބަލަމުން. އިސްތިއުނާފް ކޮމިޓީއަކީ ދާހިލީ ސަލާމަތާއި ފަންނިއްޔާތާ ބެހޭ ވުޒާރާއިން ވިލަރެސްކުރާ މިނިވަން ކޮމިޓީއެއް. މިމައްސަލަ ބަލައި ގޮތް ނިންމުމަށް ކުރަންޖެހޭ މަސައްކަތްތައް އެކޮމިޓީން ދަނީ ކުރަމުން. އަދި މައްސަލާގައި ގޮތެއް ނިންމޭނީ އިސްތިއުނާފު ކޮމިޓީން މައްސަލަ ބެލުމަށް ނިންމާ ގޮތެއްގެ މަތިން.
ފުލުހުން ބުނެފައިވެއެވެ.
ޖުލައި މަހުގެ 18ވަނަ ދުވަހު ފުލުހުން ހިންގި އޮޕަރޭޝަނުގައި ޝިޔާޒާގެ އިތުރުން ހއ. ދިއްދޫ / ހަޒާރުމާގެ، ސައިފުالله އަޙްމަދު (26އ) ހައްޔަރުކޮށްފައިވެއެވެ.
މި ދެމީހުން ފުލުހުންގެ ބެލުމުގެ ދަށަށް ގެނެސް ބަލައިފާސްކުރިއިރު، މަސްތުވާތަކެތި ކަމަށް ޝައްކުކުރެވޭ އެއްޗެއް ހުރި ތިން ރަބަރު ޕެކެޓާއި މަނާ ބޭސްގުޅައެއް ފެނިފައިވާކަމަށް ފުލުހުން ބުންޏެވެ.
Advertisement
This content is created and paid for by advertisers and does not involve Voice Journalists
