މަސްވެރީންގެ ދުވަހާއި ގުޅުވާ ބޮޑުކަންނެލި މަސްވެރިކަމުގައި ހަރަކާތްތެރިވާ މީހުން ކުރިއަށް ގެންދިޔަ އިހްތިޖާޖުން ހައްޔަރުކުރި ދިވެހި ކެޔޮޅުގެ ބަންދަށް މުއްދަތު ޖަހައިފި އެވެ.
ސައުވީސް ގަޑިއިރަށް ދެމިގެންދިޔަ މަސްވެރީންގެ އިހްތިޖާޖު ފުލުހުން ހުއްޓުވީ ފުލުހުންގެ އަމުރަށް ނުކިޔަމަންތެރިވެ ގާނޫނާއި ހިލާފު ބައެއް ކަންކަން ފެނުމުން އެކަންކަން ހުއްޓުވަން ތަަކުރާރުކޮށް އެދުމަށް ފަހު އެވެ. މި އިހްތިޖާޖުގައި މަސްވެރި ދޯނިތަކުގައި އުޅޭ ބިދޭސީން ބައިވެރިވި އެވެ. އެ މީހުން ވަނީ ފުލުހުންނަށް ހުތުރު ބަހުން ވާހަކަ ދައްކާ އަވަގުރާނަވެސް ގޮވާފަ އެވެ.
އިހްތިޖާޖުގެ ތެރެއިން ހައްޔަރު ކުރީ ތިން މީހެކެވެ. މީގެ ތެރެއިން "މަސްކުރި" ދޯނީގެ ކެޔޮޅު މުހައްމަދު މުސްތަފާ (ތަކުރު) ފަސް ދުވަހަށް ބަންދު ކުރުމަށް ވަނީ އަމުރުކޮށްފަ އެވެ.
ބަންދުގައި ތިބި މީހުން ދޫކޮށްލަން ގޮވާލާ އެމްޑީޕީން މިއަދު ވަނީ ކްރިމިނަލް ކޯޓް ސަރަހައްދުގައި މުޒާހަރާވެސް ކޮށްފަ އެވެ.
Advertisement
This content is created and paid for by advertisers and does not involve Voice Journalists
