ތިން ދޯނި ދޫކޮށްލައި ހަތަރު ބިދޭސީން އިމިގްރޭޝަނާއި ހަވާލުކޮށްފި
މަސްވެރިންގެ އިހުތިޖާޖާ ގުޅިގެން ހައްޔަރު ކޮށްފައިވާ ހަތަރު ބިދޭސީން އިމިގްރޭޝަނާއި ހަވާލުކޮށްފި އެވެ.
ސައުވީސް ގަޑިއިރަށް ދެމިގެންދިޔަ މަސްވެރީންގެ އިހްތިޖާޖު ފުލުހުން ހުއްޓުވީ ފުލުހުންގެ އަމުރަށް ނުކިޔަމަންތެރިވެ ގާނޫނާއި ހިލާފު ބައެއް ކަންކަން ފެނުމުން އެކަންކަން ހުއްޓުވަން ތަަކުރާރުކޮށް އެދުމަށް ފަހު އެވެ. މި އިހްތިޖާޖުގައި މަސްވެރި ދޯނިތަކުގައި އުޅޭ ބިދޭސީން ބައިވެރިވި އެވެ. އެ މީހުން ވަނީ ފުލުހުންނަށް ހުތުރު ބަހުން ވާހަކަ ދައްކާ އަވަގުރާނަވެސް ގޮވާފަ އެވެ.
އިހްތިޖާޖުގެ ތެރެއިން ހަތަރު ބިދޭސީއަކު ހައްޔަރުކުރި އެވެ. އަދި ތިން ދޯނި ފުލުހުންގެ ބެލުމުގެ ދަށަށް ގެނައެވެ.
ފުލުހުން މިރޭ ބުނީ އިހުތިޖާޖާ ގުޅިގެން ފުލުހުންގެ ބެލުމުގެ ދަށަށް ގެނައި ތިން ދޯނި ރޭގެ ވަގުތެއްގައި ވަނީ ދޫކޮށްލާފައި ކަމަށެވެ. ދޯނިތައް ފުލުހުންގެ ބެލުމުގެ ދަށުން ދޫކޮށްލާފައިވަނީ އެ ދޯނިތަކުގައި ތިބި ފަރާތްތަކާ ދޯނި ހަވާލުކުރުމަށްފަހު ކަމަށްވެސް ބުންޏެވެ.
އަދި އިހުތިޖާޖާއި ގުޅިގެން ހަތަރު ބިދޭސީއަކު އިމިގްރޭޝަން އާ ހަވާލު ކޮށްފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
