ރައީސުލްޖުމްހޫރިއްޔާ ޑރ. މުހައްމަދު މުޢިއްޒު, ހުޅުމާލޭ ފޭސް ދޭއްގެ ރައްޔިތުންނާ ބައްދަލުކުރެއްވުމަށް ނިންމަވައިފި އެވެ.
މިހާރު ފަށާފައިވާ ސިލްސިލާ ބައްދަލްވުންތަކުގެ ތެރެއިން ހުޅުމާލެ ދެ ފޭސްގެ ރައްޔިތުންނާއި ވަކީން ބައްދަލު ކުރެއްވުމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ ނިންމަވާފަ އެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާން ހީނާ ވަލީދު މިރޭ ވިދާޅުވި ގޮތުގައި ރައްޔިތުންނާ ގާތުން ބައްދަލުކުރައްވައި، އެކި ކަންކަމުގައި ރައްޔިތުންގެ ޚިޔާލާއި މަޝްވަރާ ހޯއްދެވުމަށާއި، ރައްޔިތުން ކަންބޮޑުވާ ކަންތައްތަކާއި ޙިއްސާކުރައްވަން ބޭނުންފުޅުވާ ކަންކަން ސީދާ އަޑު އެއްސެވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބާއްވަވާ ސިލްސިލާ ބައްދަލުވުންތަކުގެ ތެރެއިން، ހުޅުމާލޭ ފޭސް ދޭއް ގެ ރައްޔިތުންނާ ބައްދަލުކުރެއްވުން ޑިސެމްބަރު 18 ވާ ބުރާސްފަތި ދުވަަހުގެރޭ 20:30 ގައި އޮންނާނެ އެވެ.
ބައްދަލްވުން އޮންނާނީ ހުޅުމާލެ ޞަލާޙުއްދީން ސްކޫލް ގައި ކަމަށް ހީނާ ވިދާޅުވި އެވެ.
"ވީމާ ހުޅުމާލޭ ފޭސް 2 ގައި ދިރިއުޅުއްވާ ހުރިހާ ރައްޔިތުންނަށް މި ބައްދަލުވުމުގެ ދަޢުވަތު އަރުވަމެވެ," ހީނާ ކުރެެއްވި ޕޯސްޓްގައި ވިދާޅުވެފައިވެ އެވެ.
ރައީސް ގެންދަވަނީ މާލޭގެ ހުރިހާ އަވަށްތަކެއްގެ ރައްޔިތުންނާއި ވަކިވަކީން ބައްދަލް ކުރައްވަމުންނެވެ.
Advertisement
This content is created and paid for by advertisers and does not involve Voice Journalists
