ލަންކާގައި ހުންނަ ދިވެހި ހައިކޮމިޝަނުން އައިޑީކާޑް ހެއްދޭ ގޮތް ހަދައިފި
ސްރީލަންކާގައި ހުންނަ ދިވެހިރާއްޖޭގެ ހައިކޮމިޝަނުން އައިޑީ ކާޑު ޕްރިންޓް ކުރުމުގެ ހިދުމަތް ފަށައިފި އެވެ.
އެކަން ޑިޕާޓްމަންޓް އޮފް ނެޝަނަލް ރަޖިސްޓްރޭޝަނުން ވަނީ ހާމަކޮށްފަ އެވެ. ޑީއެންއާރުން މިއަދު ބުނީ ސްރީލަންކާގައި ހުންނަ ދިވެހިރާއްޖޭގެ ހައިކޮމިޝަނުން އައިޑީ ކާޑު ޕްރިންޓް ކުރުމުގެ ހިދުމަތް ފަށާފައިވާ ކަމަށެވެ. މިކަމާއި ގުޅިގެން އެ ގައުމުގައި ދިރިއުޅޭ ދިވެހި ރައްޔިތުންނަށް، ދިވެހިރައްޔިތެއްކަން އަންގައިދޭކާޑު ލިބުން އަވަސްވެގެންދާނެ ކަން ވަނީ ފާހަގަކޮށްފަ އެވެ.
އިންޑިއާ އަދި އިނގިރޭސިވިލާތުގައި މި ހިދުމަތް ތައާރަފު ކުރުމަށް ޑީއެންއާރުން މަސައްކަތް ކުރަމުންދެ އެވެ.
ދިވެހީން ގިނައިން އުޅޭ ގައުމުތަކުން އައިޑީކާޑާއި ޕާސްޕޯޓް ހިދުމަތް ލިބޭނެ ގޮތް ހަމަޖައްސައިދިނުމަކީ ރައީސް މުޢިއްޒުގެ ވައުދުފުޅެކެވެ. އެ ވައުދުފުޅާ އެއްގޮތަށް މެލޭޝިއާގައި ދިވެހިރާއްޖޭގެ ޕާސްޕޯޓާއި އައިޑީކާޑު ޕްރިންޓުކުރުމާއި ދޫކުރުމުގެ ހިދުމަތް ވަނީ ފަށާފަ އެވެ.
އަދި ރާއްޖޭގެ ކޮންމެ އަތޮޅަކުން ޕާސްޕޯޓާއި އައިޑީކާޑު ޕްރިންޓުކުރުމާއި ދޫކުރުމުގެ ހިދުމަތްވެސް މިހާރު ވަނީ ފަށާފަ އެވެ.
Advertisement
This content is created and paid for by advertisers and does not involve Voice Journalists
