މޯލްޑިވްސް ފްރީ ފްލައިންގ އެސޯސިއޭޝަންގެ ދޫނިތައް ވެސް އުރީދޫ ކުޑަކުދިންގެ ހަވީރުގައި ބައިވެރިވާނެ ކަމަށް އެ ކުންފުނިންބުނެފިއެވެ 

އުރީދޫ މޯލްޑިވްސް އާއި މޯލްޑިވްސް ފްރީފްލައިންގ އެސޯސިއޭޝަން އާއިއެކު ވަނީ ޕާޓްނަޝިޕެއް ހަދައިފައެވެ. 

މި ޕާޓްނަރޝިޕާއެކު އެސޯސިއޭޝަންގެ މެންބަރުންގެ ދޫނިތައް ފަން ރަންގައި އަދި ފަން ރަންގެ ކުޑަކުދިންގެ ހަވީރުގައި ބައިވެރިވާނެކަމަށް އުރީދޫއިން ބުނެފައިވެއެވެ. 

ކުޑަކުދިންގެ ހަވީރު ކުރިއަށްދާނީ މާދަމާ ހަވީރު 4 އިން 6 އަށް ހުޅުމާލެ ސެންޓްރަލް ޕާކްގައެވެ. 

މި ހަވީރުގެ ތެރެއިން، ކުދިންނަށް ދޫނިތައް ބަލާލާ ފޮޓޯ ނެގުމުގެ ފުރުސަތު ލިބިގެން ދާނެކަމަށް އުރީދޫއިން ބުނެއެވެ. 

ފްރީ ފްލައިން މޯލްޑިވްސް އެސޯސިއޭޝަނަކީ ދޫނި ގެންގުޅުމާއި ދޫނި ސޫފާސޫފީގެ މުޖުތަމައުގެ ދުޅަހެޔޮކަން ކަށަވަރުކުރުމަށް މަސައްކަތްކުރާ އަމިއްލަ ޖަމިއްޔާއެކެވެ. މި ޖަމިއްޔާގެ މަގްސަދަކީ އެކުވެރި ދޫނިތަކުގެ މިނިވަންކަން ކަށަވަރު ކުރުމަށް ވެލްފެއަރ ފަސްޓް ސްޓޭންޑަޑްތަކާއި، ދޫނި ގެންގުޅޭ ގޮތުގެ ރަގަޅު މައުލޫމާތު ފޯރުކޮށްދިނުމެވެ. 

މިއީ ދޫނި ގެންގުޅޭ ފަރާތްތަކުން އިސްނަގައިގެން އުފައްދާފައިވާ ފުރަތަމަ އެން.ޖީ.އޯއެވެ. 

އަދި މި އެން.ޖީ.އޯގެ ހާއްސަ ހަރަކާތެއް 40 ދޫންޏާއެކު ގުރައިދޫގައި 20 ޑިސެމްބަރ ގައި ކުރިއަށް ދާނެއެވެ.