ރާއްޖެ ގެނަން މުދަލަށް ޑެމެރެޖް ނާރާ ވަގުތު އިތުރުކޮށް ކްލިއަރެންސް 24 ގަޑިއިރަށް އިތުރުކުރައްވަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިރޭ ނިންމަވައިފި އެވެ.

އެމަނިކުފާނު އެކަން ނިންމަވާ އިއުލާނު ކުރެއްވީ ކުދި އަދި މެދު ފަންތީގެ ވިޔަފާރިވެރީންނާއެކު މިރޭ ބޭއްވެވި ބައްދަލްވުމުގަ އެވެ. އެ ބައްދަލްވުމުގައި ވިޔަފާރިވެރި އަކު ވައިގެ މަގުން ގެންނަ މުދަލަށް ޑެމެރެޖް ނާރާ ވަގުތު އިތުރުކުރުމާއި ގުޅޭގޮތުން ހިޔާލު ދެއްވާފަ އެވެ.

އަދި ކްލިއަރެންސް ކަންކަން މިހާރު އޮންނަ ގޮތުން ބޮޑު ގެއްލުމެއް ވަމުންދާކަން ފާހަގަ ކޮށްފައިވެ އެވެ.

އެ ވާހަކަތައް އަޑުއެއްސެވުމަށް ފަހު ރައީސް ވިދާޅުވީ މުދާ ކުލިއާ ކުރަން ފްރީކޮށް ހަމަޖެހިފައިވާ 80 ގަޑިއިރުގެ ބަދަލުގައި 124 ގަޑިއިރަށް އިތުރުކުރަން ނިންމާފައިވާ ކަމަށެވެ. އަދި ކަސްޓަމާއި އެމްއޭސީއެލްގެ އިސްބޭފުޅުންނާއި މަޝްވަރާ ކުރެއްވުމަށް ފަހު ކްލިއަރެންސް މަަސައްކަތް ސައުވީސް ގަޑިއިރަށް ބަދަލު ކުރަން ނިންމާފައިވާ ކަމަށެވެ.

"މި 80 ގަޑިއިރު 124 ގަޑިއިރަށް އިރާދަކުރެެއްވިއްޔާ, ޑެމެރެޖް ނާރާ ގޮތަށް އިތުރުކޮށްދޭނެ. އަދި ކަސްޓަމާއި އެމްއޭސީއެލް ގުޅިގެން ކްލިއަރެންސް މަަސައްކަތަށް މި އޮންނަނީ 18 ގަޑިއިރާއި 30 މިނެޓް. އެގޮތަށް އޮތުމުގެ ބަދަލުގައި 24 ގަޑިއިރަށް ބަދަލުކޮށްދޭނަން އިރާދަކުރެއްވިއްޔާ," ރައީސް މިރޭ އިއުލާނު ކުރެއްވި އެވެ.