ޖަލުތަކުން ކުރާ ސްކޭމް ކޯލުގެ 80 އިންސައްތަ ހުއްޓުވިއްޖެ: ޒަރީރު
ޖަލުތަކުން ކުރާ ސްކޜޭމް ކޯލްގެ 80 އިންސައްތަ ކޯލް ހުއްޓުވިއްޖެކަމަށް ކޮމިޝަނަރ އޮފް ޕްރިޒަން ހަސަން ޒަރީރު ވިދާޅުވެއްޖެއެވެ.
ދާހިލީ ސަލާމަތާއި ފަންނިއްޔަތާ ބެހޭ ވުޒާރާއިން މިއަދު އިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޒަރީރު ވިދާޅުވީ ޖަލުތަކުން ސްކޭމް ކޯލް ކުރާ މައްސަލައަކީ ބޮޑުވެފައިވާ މައްސަލައެއް ކަމަށާއި، އެކަން ހައްލުކުރުމަށް ކުރި މަސައްކަތުން އެދެވޭފަދަ ނަތީޖާތަކެއް ހާސުލްވެފައިވާަކަމަށެވެ. އެގޮތުން ޖަލުތަކުން ކުރާ ސްކޭމް ކޯލްގެ 80 އިންސައްތަ ކޯލް ހުއްޓުވިއްޖެކަން އޭނާ ފާހަގަކުރެއްވިއެވެ.
ޖަލުތަކުގެ ހާލަތާ ބެހޭގޮތުން ޒަރީރު ވިދާޅުވީ، ޒަމާނުއްސުރެ ރާއްޖޭގައި ޖަލުތައް ބިނާކުރެވިފައިވަނީ އެންމެ ރަނގަޅަށް ނޫންކަމަށެވެ. އަދި ޖަލުތަކުގެ ސެކިއުރިޓީ ބެލެހެއްޓުމަށް ގެނެސްފައިވާ ވަސީލަތްތތަކަކީވެސް އެންމެ ރަނގަޅު އެއްޗެހި ނޫންކަން ޒަރީރު ވަނީ ފާހަގަކުރައްވާފައެވެ.
މި ސަރުކާރުން ޖަލުގެ ސަލާމަތީ ކަންތައްތައް ހަރުދަނާކުރުމަށް ކުރަމުންގެންދާ މަސައްކަތްތަކުގެ ދަށުން ބޮޑީސްކޭނިން މެޝިނެއް ރާއްޖެ ގެނެސް އެ ބެހެއްޓުމުގެ މަސައްކަތް ކުރިއަށްދާކަމަށް ވިދާޅުވިއެވެ.
ރާއްޖޭގައި ޖަލުތަކުގައި ސްކޭމް ކޯލްތައް ހިންގުމަކީ ވަރަށް އާއްމުކަމެކެވެ. އެގޮތުން ސްކޭމް ކޯލްތަކުގެ މައްސަލާގައި ސެޕްޓެމްބަރު 11 ވަނަ ދުވަހު މާފުށީ ޖަލުގައި އޮޕަރޭޝަނެއް ހިންގައި އެކި ބްރޭންޑްތަކުގެ 33 މޯބައިލް ފޯނާއި، އިއާޕޮޑާއި ހެޑްސެޓާއި ފޯނު ޗާޖުކުރާ ކޭބަލާއި އަދި ސިމްކާޑު ފެނިފައިވާކަމަށް ފުލުހުން ވަނީ ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
