ވާރޭވެހި ފެންބޮޑުވުމުން އާދައިގެމަތިން އެމްއެންޑީއެފުން ފެން ހިންދަން ނިކުމެއްޖެ
މާޅެއަށް މިހާރު ކުރަމުންގެންދާ ވިއްސާރާގައި މަގުތަކުގައި ފެންބޮޑުވުމުން އާދައިގެމަތިން އެމްއެންޑީއެފުން ފެންހިންދަން ނިކުމެއްޖެއެވެ.
މިހާރު ކުރަމުންގެންދާ ވިއްސާރާގައި މާލޭގެ ބައެއް ސަރަހައްދުތަކުގައި ފެންގަނޑުބޮޑުވެ ހިނގާ ބިނގާވެ އުޅުމަށް އުނދަގޫވެފައިވާއިރު، އެމްއެންޑީއެފުން ދަނީ ފެންގަނޑު ހިންދުމުގެ މަސައްކަތް ކުރަމުންނެވެ. އެމްއެންޑީއެފުން ވަނީ ފެންގަނޑުބޮޑުވާ ސަރަހައްދުތަކުގައި ޕަމްޕް ބަހައްޓާފައެވެ. ޕަމްޕުތައް ބަހައްޓާފައިވަނީ ރޭގެ ވަގުތެއްގައެވެ.
އެގޮތުން އެ ޕަމްޕުތައް ޖައްސައިގެން ފެންބޮޑުވެފައިވާ ސަރަހައްދުތަކުން ފެން ހިންދުމުގެ މަސައްކަތް ކުރަމޔުންދާކަމަށް އެމްއެންޑީއެފުން ބުނެއެވެ.
މިހާރު ކުރަމުންދާ ވިއްސާރާގައި މެދުރާއްޖެ ތެރޭ ހިސާބުތަކަށް ވިއްސާރަ ވާނޭކަމަށް މެޓް އޮފީހުން ވަނީ ލަފާކޮށްފައެވެ. އަދި ކުރިއަށްއޮތް 24 ގަޑިއިރު ވިއްސާރަ ވާނޭކަމަށްވެސް ވަނީ ލަފާކޮށްފައެވެ. މޫސުން ގޯސްވެ ކަނޑުތައް ގަދަވާނެތީވެ، ކަމާބެހޭ އިދާރާތަކުން ވަނީ މޫސުމާބެހޭ އެންމެ ފަހުގެ މައުލޫމާތު ހޯދުމަށްފަހު ނޫނީ ކަނޑުމައްޗަށް ނޭރުމަށް އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists
