މޫސުން ގޯސްވާނެކަމަށް ލަފާކޮށް، ޅ އަތޮޅުން ފެށިގެން ވ އަތޮޅަށް ރީނދޫ ސަމާލު ނެރެފިއެވެ.

މޫސުމާ ބެހޭ ޤައުމީ އިދާރާ، މެޓުން ބުނީ ރީނދޫ ސަމާލް ނެރެފައިވާ ގަޑިތަކުގައި ވިލާގަނޑުގައި ބޯކޮށް ވާރޭ ވެހި، ގަޑިއަކު 40 މޭލަށް ވައިދަގަވެ ކަނޑުތައް ގަދަވުން އެކަށީގެންވާކަމަށެވެ. އެ ސަރަހައްދަށް ރީނދޫ ސަމާލް ނެރެފައިވަނީ މިއަދު މެންދުރު 12:45 އިން ހަވީރު 16:00 އާ ހަމައަށެވެ. 

މިދުވަސްކޮޅު މޫސުމަށް ސަމާލުވުމަށް ކަމާބެހޭ އިދާރާތަކުން އިލްތިމާސްކުރެއެވެ. ހާއްސަ ގޮތެއްގައި ކަނޑުދަތުރުކުރާ ފަރާތްތަކުން މޫސުން އޮތްގޮތް ބެލުމަށްފަހު ނޫނީ ކަނޑުމައްޗަށް ނޭރުމަށް އެފަރާތްތަކުން ދަނީ ބުނަމުންނެވެ.