އިދިކޮޅު މައި ޕާޓީ -- އެމްޑީޕީގެ ކައުންސިލް ޕްރައިމަރީ އަވަސްކޮށްފި އެވެ.
އެ ޕާޓީގެ ކައުންސިލް ޕްރައިމަރީ އަވަސްކުރިކަން ހާމަކޮށް އެ ޕާޓީން ބުނީ ޖަނަވަރީ 30 ވަނަ ދުވަހު ބޭއްވުމަށް ހަމަޖެހިފައި އޮތް ޕާޓީގެ އެތެރޭގެ ޕްރައިމަރީ އަވަސްކޮށްފައިވާ ކަމަށެވެ. މިހާރުގެ ތާރީހަކީ އަންނަ މަހުގެ 14 ވަނަ ދުވަހު އެވެ.
ޕްރައިމަރީ އޮންނާނީ ޖަނަވަރީ 16ވާ ހުކުރު ދުވަހުގެ 2:30 އިން ރޭގަނޑު 8:00 އަށެވެ.
އެ ގޮތަށް ނިންމީ ކައުންސިލް އިންތިހާބަށް ކުރިމަތިލުމަށް އެދޭ ފޯމް ހުށަހެޅުމުގެ ތާރީހު ޖަނަވަރީ 17 ގައި ހުޅުވާލަން ނިންމާ އެކަމަށް ލިބޭނީ 14 ދުވަހުގެ މުއްދަތެއް ކަމަށް އިލެކްޝަންސް ކޮމިޝަނުން ހާމަކުރުމުން ކަމަށް ވެސް ބުންޏެވެ. ކޮމިޝަނުން ނިންމާފައި އޮތް ގޮތުން ކުރީން އޮތް ތާރީޚުގައި އެމްޑީޕީ ޕްރައިމަރީ ބާއްވައިފިނަމަ ފޯމް ހުށައަޅަން އެ ޕާޓީއަށް ލިބޭނީ ދެތީން ދުވަހެވެ.
އެމްޑީޕީގެ ޕްރައިމަރީ އަވަސް ކުރިއިރު ސަރުކާރު ހިންގާ މައި ޕާޓީ -- ޕީއެންސީގެ ޕްރައިމަރީ މި މަހުގެ 27 ވަނަ ދުވަހު ބޭއްވުމަށް ވަނީ ހަމަޖެހިފަ އެވެ.
Advertisement
This content is created and paid for by advertisers and does not involve Voice Journalists
