ނޭޝަނަލް ޑްރަގް އެޖެންސީ (އެންޑީއޭ) ގެ ޗެއާމަނަކަށް ހޯމް މިނިސްޓްރީގެ ސްޓޭޓް މިނިސްޓަރުކަމުގެ މަގާމުގައި ހުންނެވި އަހުމަދު ސިއްދީގް އައްޔަންކުރައްވައިފި އެވެ.
ސިއްދީޤު އެ މަގާމަށް އައްޔަނުކުރައްވާފައިވަނީ އިއްޔެއެވެ.
މީގެ ދެމަހެއްހާ ދުވަސް ކުރިން އެންޑީއޭގެ ޗެއާމަންގެ މަގާމު ހުސްވީ، ކުރިން އެމަގާމު ފުރުއްވަމުން ގެންދެވި މިދިޔަ އަހަރުގެ ޖޫން 13 އިން ފެށިގެން އެ މަގާމު ފުރުއްވަމުން ގެންދެވި ލުބްނާ ޒާހިރު ހުސައިން ފޮރިން މިނިސްޓްރީ އަށް ބަދަލުކުރެއްވުމުންނެވެ.
މި ސަރުކާރު އައުމުގެ ކުރިން އެންޑީީއޭ އޮތީ ހެލްތު މިނިސްޓްރީގެ ދަށުގައެވެ. ނަމަވެސް މި ސަރުކާރުން ވަނީ ހޯމް މިނިސްޓްރީގެ ދަށަށް ބަދަލުކޮށްފަ އެވެ.
އެންޑީއޭއަކީ މަސްތުވާތަކެތި ބޭނުންކުރުމާއި ޕެޑްލް ކުރުމާއި ޓްރެފިކް ކުރުމުގެ މައްސަލަ އަށް ހައްލު ހޯދުމަށް ފިޔަވަޅު އެޅުމާއި، މަސްތުވާތަކެތިން ސަލާމަތްވުމަށް ހިންގާ ޕްރިވެންޝަން ޕްރޮގްރާމާއި، ފަރުވާގެ ޕްރޮގްރާމްތައް ހަރުދަނާކޮށް، މަސްތުވާތަކެތި ބޭނުންކުރާ މީހުން އަނބުރާ މުޖުތަމަޢުއަށް ގެނައުމުގެ މަސައްކަތްކުރުމާއިއެކު މަސްތުވާތަކެތިން ސާފުމުޖުތަމަޢުއެއް ބިނާކުރުމަށް އުފައްދާފައިވާ ތަނެކެވެ.
Advertisement
This content is created and paid for by advertisers and does not involve Voice Journalists
