ތަކުރާރުކޮށް ވައްކަންކުރާ ހާހެއްހާ މީހުން އުޅޭ ކަމަށާ، އޭގެ ތެރެއިން ބައެއް މީހުން މި އަހަރު އެކަނިވެސް 100 އަށްވުރެ ގިނަ ފަހަރު ހައްޔަރުކުރެވިފައިވާ ކަމަށް ފުލުހުން ބުނެފިއެވެ.
މިއަދު ފުލުހުން ބޭއްވި ނޫސްވެރިންގެ ބައްދަލުވުމުގައި މާލޭގެ ފްރޮންޓްލައިން އޮފް ޕޮލިސިން ގެ ހެޑް ސްޕްރިޓެންޑެންޓް އޮފް ޕޮލިސް އަބްދުالله ރަޝީދު ވިދާޅުވީ، ފުލުހުންނަށް ހުށަހެޅޭ މައްސަލަތަކަށް ބަލާލާއިރު މައިގަނޑު ދެ ސަބަބެއް ފާހަގަވެފައިވާ ކަމަށެވެ.
އެއްސަބަބަކީ ތަކުރާރުކޮށް ކުށް ކުރާ ފަރާތްތައް، ގާތްގަނޑަކަށް 1000 މީހުން އެބައުޅޭ ތަކުރާރުކޮށް ކުށްކުރާ. 1000 މީހުން ގާތްގަނޑަކަށް މި ހުރިހާ ކުށްތަކެއްގައި މިއުޅެނީ.
މާލޭގެ ފްރޮންޓްލައިން އޮފް ޕޮލިސިން ގެ ހެޑް ސްޕްރިޓެންޑެންޓް އޮފް ޕޮލިސް އަބްދުالله ރަޝީދު
އަބްދުالله ވިދާޅުވީ، ކުށްތަކުގެ މައްސަލަތަކުގައި ތަކުރާރުކޮށް ހައްޔަރު ކޮށްފައިވާ މީހުންގެ ތެރޭގައި މިއަހަރު މިހާތަނަށް 50 ފަހަރު ހައްޔަރުކުރެވިފައިވާ މީހެއްވެސް ހުރި ކަމަށާ، އަދި 586 ފަހަރު ހުއްޓުވައި ސުވާލުކުރެވިފައި ހުރި މީހުންވެސް ތިބި ކަމަށް އޭނާ ވިދާޅުވިއެވެ. އަދި 128 ހައްޔަރު ކިރެވި 1012 ފަހަރު ހުއްޓުވައި ސުވާލު ކުރެވުނު މީހުންވެސް ތިބި ކަން ފާހަގަކުރެއްވިއެވެ.
އެފަދަ މީސްމީހުން މަގުމަތީގައި އުޅުމަކީ ކުށް ހިނގަން ދިމާވާ ވަރަށް ބޮޑު ސަބަބެއްކަމަށާ މި މައްސަލަ ހައްލުކުރުމަށް މިހާރު މަސައްކަތް ފަށާފައިވާކަމަށް އަބްދުالله ވިދާޅުވިއެވެ
"ޕްރޮސެކިއުޓަރ ޖެނެރަލްގެ އޮފީީހާއި ކްރިމިނަލް ކޯޓާއި އަދ އަޅުގަނޑުމެންނާ ގުޅިގެން މިދިޔަ މަހުން ފެށިގެން މިއުޅެނީ ފަށައިގެން ރިޕީޓް އޮފެންޑާސްތަކުގެ ތެރެއިން އެންމެ ގިނައިން ކުށްތަކުގައި އުޅޭ ފަރާތްތަކުގެ ލިސްޓެއް ނަގައިގެން، އަޅުގަނޑުމެން ތިން ފަރާތް އިށީނދެގެން މީގެތެރެއިން މުޖުތަމަޢުން އެކަހެރިކުރުމަށް ޙުކުމްކުރަންޖެހޭ މީހުންނަށް ވީހާވެސް އަވަހަށް ޙުކުމްކުރުމަށް މަސައްކަތް ފަށައިގެން މިއުޅެނީ. މީގެ ނަތީޖާ ހައެއްކަ މަހުން ފެންނާނެ." ޢަބްދުالله ރަޝީދު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
