މިއަދު އިރުއޮއްސެން އުޅެނިކޮށް ރޯވި ސަފާރީގައި ފަތުރުވެރިން ތިބިކަމަށް ފުލުހުން ބުނެފިއެވެ.
ޔަސާވާ ޕްރިންސަސް ނަމަކަށް ކިޔާ މި ސަފާރީގައި ރޯވެފައިވަނީ، ވ.އަތޮޅު ކުޑަ އަންބަރާ ކައިރިންނެވެ. ފުލުހުން ބުނީ ސަފާރީގައި ރޯވިކަމުގެ ރިޕޯޓް ލިބުނީ 17:54 ހާއިރުކަމަށެވެ.
މި މައުލޫމާތު ފުލުހުންނަށް ލިބުމާއެކު އެސަރަހައްދަށް ގޮސް ސަފާރީގައި ތިބި މީހުންނާއި ފަޅުވެރިން ސަލާމަތްކޮށް ފެލިދޫއަށް ގެންދިޔަކަމަށް ފުލުހުން ބުންޏެވެ. ސަލާމަތް ކޮށްފައިވާ މީހުންގެ ތެރޭގައި ހިމެނެނީ 17 ފަތުރުވެރިންނާއި 8 ފަޅުވެރިންނެވެ.
ފުލުހުން ބުނީ ފަތުރުވެރިންގެ ތެރޭގައި ހިމެނެނީ 5 ފިރިހެނުންނާއި، 12 އަންހެނުންކަމަށެވެ. ފަޅުވެރިންގެ ތެރޭގައި ހިމެނެނީ 3 ދިވެހިންގެ އިތުރުން ބަންގްލަދޭޝްގެ 5 މީހުންނާއި ޖަރުމަނު ރައްޔިތެކެވެ.
ފުލުހުން ބުނީ މި މައްސަލައާ ގުޅިގެން ބަލަންޖެހޭ ކަންކަން އެ މުއައްސަސާއިން ބަލަމުންދާކަމަށެވެ.
Advertisement
This content is created and paid for by advertisers and does not involve Voice Journalists
