އައިޖީއެމް ހޮސްޕިޓަލުގައި ހޯމްނާސިންގ ކެއާގެ ހިދުމަތް ފެށުމަށާ އެ ހޮސްޕިޓަލުން އެކިއެކި ދަތުރުތަކުގައި ބޭނުންކުރުމަށް 05 ސައިކަލް ސަޕްލައިކޮށްދޭނެ ފަރާތެއް ހޯދަން އިއުލާންކޮށްފިއެވެ.
އެގޮތުން އައިޖީއެމްއެޗުން ކުރި އިއުލާނުގައިވަނީ އެ މަސައްކަތް ކޮށްދިނުމަށް ބީލަން ހުށަހެޅުމުގެ ފުރުސަތު މިކަމަކަށް ޝަރުތުހަމަވާ ހުރިހާ ފަރާތްތަކަށް ހުޅުވާލާފައެވެ.
އެ އިއުލާނުގައިވަނީ ބިޑްހުށަހަޅާ ފަރާތްތަކުން ސަމާލުކަންދޭންވީ ކަންތައްތައްވެސް ހިމަނާފައެވެ.
އެގޮތުން ކޯޓޭޝަން ހުށަހަޅަންވާނީ ދީފައިވާ މައުލޫމާތާއި އެއްގޮތަށް ކަމަށާ ޖީ.އެސް.ޓީ ހިމަނައިގެން ކަމަށް ބުންޏެވެ. އަދި ސަޕްލައިކޮށް ނިންމަން ކަނޑައަޅާ މުއްދަތު ބަޔާންކުރަންވާނެ ކަމަށް ބުނެފައިވެއެވެ.
މީގެ އިތުރުން ކޯޓޭޝަން ހުށަހަޅާއިރު ސަޕްލައިކުރާ އައިޓަމްގެ މައުލޫމާތު /ފޮޓޯ ހިމެނޭހެން (ޓެކްނިކަލް ސްޕެސިފިކޭޝަން ޝީޓު) ހުށަހަޅަންވާނެ ކަމަށް ބުނެފައިވެއެވެ.
އަދި ސަޕްލައިކުރުމަށް ހުށަހަޅާ ތަކެއްޗަކީ އައު / އޮރިޖިނަލް ތަކެތިކަން އެނގޭ މެނުފެކްޗަރގެ ލިޔުމެއް ހުށަހަޅަންވާނެ ކަމަށްވެސް ބުންޏެވެ.
ހަމައެހެންމެ ބީލަން ކާމިޔާބުކުރާ ފަރާތުން ވެހިކަލް ކްލިއަރކޮށް ރަޖިސްޓްރީކުރުމަށް ކުރަންޖެހޭ ހުރިހާ ކަމެއް ފުރިހަމަކުރަންވާނެ ކަމަށާ 01 އަހަރު ދުވަހުގެ ރޯޑްވޯދިނެސް، އަހަރީ ފީ އަދި އިންޝުއަރެންސްފީ ދައްކަންވާނެ ކަމަށް ބުންޏެވެ.
މީގެ އިތުރުންވެސް މިކަމާ ގުޅޭ އިތުރު މައުލޫމާތު އިއުލާނުގައި ވަނީ ހިމަނާފައިއެވެ.
އައިޖީއެމްއެޗުން ބުނެފައިވާ ގޮތުން ބީލަން ހުށަހެޅުން އޮންނާނީ 14 ޖަނަވަރީ 2026 ވާ ބުދަ ދުވަހުގެ 11:00 ގައެވެ. ބީލަން ހުށަހަޅަން ޖެހެނީ އައިޖީއެމްއެޗް ހޮސްޕިޓަލުގެ ޕްރޮކިއުމެންޓް ޑިޕާރޓްމެންޓްގެ އެންތޫރިއަމް މީޓިންގ ހޯލަށެވެ.
Advertisement
This content is created and paid for by advertisers and does not involve Voice Journalists
