ޣައްޒާއަށް ބޮޑު އުފަލެއް؛ މިދިޔަ އަހަރުގެ އުޟްޙިޔާގެ ދަޅުތައް ޣައްޒާގައި ބަހަން ފަށައިފި
މިދިޔަ އަހަރުގެ އުޟްޙިޔާގެ ދަޅުތައް ޣައްޒާގައި ބަހަން ފަށައިފި އެވެ.
އައިއޭސީން ބުނީ ދުވަސްތަކެއްގެ ބުރަ މަސައްކަތް ތަކަކަށް ފަހު، ޣައްޒާއަށް ހާއްސަކޮށްގެން ކަތިލެވުނު އުޟްޙިޔާއިން ތައްޔާރު ކުރެވުނު މަސްދަޅުތައް ޣައްޒާއަށް ވެއްދި ޣައްޒާގެ ރައްޔިތުންނަށް ފޯރުކޮށް ދީފައިވާ ކަމަށެވެ.
މިދިޔަ އަހަރުގެ އުޟްޙިޔާގެ ދަޅުތައް ޣައްޒާގައި ބަހަން ފެށުން --
ދިވެހި ލޮބުވެތި ރައްޔިތުންނާއި ރަށްރަށުގެ ޖަމިއްޔާތަކާއި ކައުންސިލްތަކާއި ގުޅިގެން މި ހަރަކާތުގައި ޖުމްލަ 37800 ދަޅު ވަނީ ހަދިޔާ ކޮށްފަ އެވެ.
އެއީ އުޟްޙިޔާގެ 16674 އާއި ޞަދަޤާތުގެ ގޮތުގައި ހަދިޔާ ކުރި 21,126 ދަޅެވެ.
މިދިޔަ އަހަރުގެ އުޟްޙިޔާގެ ދަޅުތައް ޣައްޒާގައި ބަހަން ފެށުން --
“މިއީ އެތަށް ދުވަހެއްގެ ބުރަ މަސައްކަތް. ކެތްތެރިކަމާއި އުއްމީދާއެކު ހިތްވަރު އެލުވާނުލާ ކުރި މަސައްކަތުގެ ފޮނި ނަތީޖާ،” އައިއޭސީން ބުންޏެވެ.
މިދިޔަ އަހަރުގެ އުޟްޙިޔާގެ ދަޅުތައް ޣައްޒާގައި ބަހަން ފެށުން --
“މި ކަމުގައި އެކިގޮތްގޮތުން ބައިވެރިވެ އެހީ ވެދެއްވި ހުރިހާ ބޭފުޅުންނަށް ހެޔޮ ރަހުމަތް ލައްވާށި,” އައިއޭސީގެ ޕޯސްޓްގައިވެ އެވެ.
އައިއޭސީން މި ދަޅުތައް ބަހަން ފެށުމުން ދިގު ކިއުތައް ދަމާލި އެވެ. އަދި އުފާވެރިކަމާއި ޝުކުރުވެރި ކަމާއެކު ޣައްޒާގެ ރައްޔިތުން ވަނީ އެކަން ފާހަގަކޮށްފަ އެވެ.
މިދިޔަ އަހަރުގެ އުޟްޙިޔާގެ ދަޅުތައް ޣައްޒާގައި ބަހަން ފެށުން --
ބައެއް އާންމުން ވަނީ ވަގުތުން އެ ދަޅުތަކަށް އިންސާފު ކޮށްފަ އެވެ.
Advertisement
This content is created and paid for by advertisers and does not involve Voice Journalists
