އިންޑަސްޓްރިއަލް މަސައްކަތް ހިނގާ ކ. ތިލަފުށީން ބިދޭސީއަކު ގެއްލިގެން ހޯދަން ފަށައިފި އެވެ.
އެ މީހާ ގެއްލިފައިވަނީ ވަނީ މި މަހުގެ 26 ވަނަ ދުވަހު އެވެ. ދެ ދުވަސް ފަހުން އެ މީހާ ގެއްލިފައިވާކަން ފުލުހަށް ރިޕޯޓް ކުރީ މިއަދު އެވެ.
އެއީ ތިލަފުށީ ސައިޓެއްގައި މަސައްކަތް ކުރަމުންދިޔަ ބަންގްލަދޭޝް މީހެއް ކަމަށް ވެ އެވެ.
ފުލުހުން ބުނީ އެ މީހާ ގެއްލިފައިވާ ކަމުގެ ރިޕޯޓް މިއަދު ލިބިފައިވާ ކަމަށެވެ. އަދި އެ މީހާ ހޯދުމުގެ މަސައްކަތް ކުރަމުންދާ ކަމަށެވެ. ނަމަވެސް މިހާތަނަށް ކުރެވުނު މަސައްކަތުން އެ މީހާ ފެނިފައިނުވާ ކަމަށް ފުލުހުން ބުންޏެވެ.
އަދި ބުނީ އެ މީހާ ގެއްލުނު މައްސަލައާ ގުޅިގެން މިހާތަނަށް މީހަކު ހައްޔަރު ކޮށްފައިނުވާ ކަމަށެވެ.
އެ މީހާ ގެއްލުނު ހާދިސާއާ ގުޅިގެން ތަފާތު އެކި ވާހަކަތައް ދަނީ ފެތުރެމުންނެވެ. އޭނާއަށް ބޮޑު އަނިޔާއެއްދީ ތާކަށް އެއްލާލި ކަމަށް ވެސް ވާހަކަ ދެކެވެ އެވެ. ނަމަވެސް މި ތުހުމަތުތަކާއި ގުޅޭގޮތުން ފުލުހުން ވަކި އެއްޗެއް ނުބުނެ އެވެ.
Advertisement
This content is created and paid for by advertisers and does not involve Voice Journalists
