ރައްޔިތުންގެ މަޖިލީހުގެ 2026 ވަނަ އަހަރުގެ ފުރަތަމަ ދައުރުގެ ފުރަތަމަ ޖަލްސާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރިޔާސީ ބަޔާން އިއްވެވުމަށް ހަމަޖެހިފައިވާތީ، މަޖިލިސް އިދާރާ ހިމެނޭ ސަރަހައްދުގެ މަގުތަކުގައި ޕާކުކޮށްފައިވާ އުޅަނދުތައް ނެގުމަށް ފުލުހުން އަންގައިފިއެވެ.
ފުލުހުން ހާމަކޮށްފައިވާ ގޮތުގައި، މި މަހުގެ 5 ވާ ބުރާސްފަތި ދުވަހު (މާދަމާ) ބޭއްވުމަށް ހަމަޖެހިފައިވާ މި ޖަލްސާއާ ގުޅިގެން، ކަނޑައެޅިފައިވާ ސަރަހައްދުތަކުގައި ހުރި އުޅަނދުތައް މިއަދު އިރުއޮއްސި 18:00 ގެ ކުރިން ނަގައި ހުސްކުރަން ޖެހެއެވެ.
އުޅަނދުތައް ނަގަން އަންގާފައިވާ ސަރަހައްދުތަކުގެ ތެރޭގައި ހިމެނެނީ:
މެދުޒިޔާރަތް މަގު (ސޯސަންމަގުން ފެށިގެން މުލީއާގެއާ ހަމައަށް)
ހަކުރާ ގޯޅި
ސިއްކަ ގޯޅި
ޝަހީދު އަބްދުالله ޒުހައިރު ގޯޅި
އަމީރުއަހްމަދު މަގު (ވެލާނާގެ ސަރަހައްދު)
މިފަދަ ކަންކަމުގައި އާންމު ރައްޔިތުންގެ ފަރާތުން ފުލުހުންނަށް ދޭ އެއްބާރުލުމަށް ފުލުހުން ވަނީ ޝުކުރު އަދާކުރައްވާފައެވެ. އަދި މި ސަލާމަތީ ފިޔަވަޅުތަކުގެ ސަބަބުން ދަތުރުފަތުރު ކުރުމުގައާއި ޕާކުކުރުމުގައި އާންމުންނަށް ދިމާވެދާނެ ދަތިތަކަށް ފުލުހުން ވަނީ މައާފަށް އެދިފައެވެ.
މިއަހަރަށް މަޖިލިސް ހުޅުވުމަށް ބާއްވާ ޖަލްސާ ފެށުމަށް ހަމަޖެހިފައިވަނީ މާދަމާ ހެނދުނު 09:00 ގައެވެ.
ކޮންމެ އަހަރަކުވެސް ރިޔާސީ ބަޔާން އިއްވާ ދުވަހަކީ ސަރުކާރު ބަންދު ދުވަހެއްގެ ގޮތުގައި ހަމަޖައްސާފައިވާ ދުވަހަކަށް ވާތީ، މާދަމާ އަކީ ސަރުކާރު ބަންދު ދުވަހެކެވެ.
Advertisement
This content is created and paid for by advertisers and does not involve Voice Journalists
