މާލޭ ހިޔާ އެކެއްގެ ފަސްވަނަ ބުރީން 60 އަހަރުގެ ދިވެއްސަކު ވެއްޓިއްޖެ އެވެ. 

ފުލުހުން ވަނީ އެކަން ޔަގީންކޮށްދީފަ އެވެ. އެ މުއައްސަސާއިން ދެންމެ ބުނި ގޮތުގައި މާލެ ހިޔާ އެކަކުން މީހަކު ވެއްޓިފައިވާ ކަމުގެ މައުލޫމާތު ލިބިގެން އެކަން ދަނީ ބަލަމުންނެވެ. އެ ރިޕޯޓް ލިބުނީ މިއަދު ހެނދުނު 6:50 ހާއިރު  ކަމަށް ބުންޏެވެ.

އަދި ބުނީ ވެއްޓިފައި ވަނީ އުމުރުން 60 އަހަރުގެ ދިވެހި ފިރިހެނެއް ކަމަށާ އެ މީހާ ވެއްޓިފައި ވަނީ ފަސްވަނަ ފަންގިފިލާއިން ކަމަށެވެ.

އެ މީހާއަށް އައިޖީއެމްއެޗްގައި ފަރުވާ ދެމުންދާައިރު މައްސަލައިގެ ތަހުގީގެއް ފަށާފައިވާ ކަމަށެވެ.

އެ މީހާ އެމްބިއުލާންސަށް އެރުވިއިރު އެއްވެސް ހަރަކާތެއް ނެތެވެ. މި ހާދިސާ ހިނގަން މެދުވެރިވީ ސަބަބެއް އަދި ސާފެއް ނުވެ އެވެ.