ދިވެހި ފުލުހުންގެ ހިދުމަތުގެ އެންޓި ސްކޭމް ސެންޓަރުން ތަހުގީގު ކުރަމުންދާ މައްސަލައަކާ ގުޅިގެން، ސުވާލުކުރުމަށްޓަކައި މީހަކު ހާޒިރުކުރުމަށް އިއުލާނުކޮށްފިއެވެ.
ފުލުހުން ހޯދަމުންދަނީ ތ. ހިރިލަންދޫ، ނާގަލި، ޢާއިޝަތު ނާޛިރާ (41އ) އެވެ. އޭނާގެ އައިޑީ ކާޑު ނަންބަރަކީ A127886 އެވެ.
ފުލުހުން ހާމަކޮށްފައިވާ ގޮތުގައި، ނާޛިރާ ހޯދަމުންދަނީ އެންޓި ސްކޭމް ސެންޓަރުން ތަހުގީގު ކުރަމުންދާ މައްސަލައެއްގެ ތަހުގީގަށް ތުހުމަތުގައި ސުވާލުކުރުމަށެވެ.
އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމުގެ ޗިޓު ރައްދުކުރެވިފައި ނުވާތީ، ފުލުހުން މި އިއުލާނު ނެރެފައިވަނީ ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގެ ދަށުންނެވެ.
ނާޛިރާ ހާޒިރުވުމަށް އަންގާފައިވަނީ ސާޖަންޓް އާދަމް ޙަލީމް ކުރިމިނަލް އިންވެސްޓިގޭޝަން ބިލްޑިންގ އަށެވެ. އޭނާ ހާޒިރުވާންޖެހޭ ތާރީޚަކީ 2026 މާރިޗު 10 ވަނަ ދުވަހުގެ 14:00 އެވެ.
Advertisement
This content is created and paid for by advertisers and does not involve Voice Journalists
