ޑިމާންޑެއް ނެތުމާއި ކަރާތައް ފީވާން ކައިރިވުމުން ބާޒާރުމަތީ ފިހާރަތަކުން ކަރާގެ އަގު ވަރަށްބޮޑަށް އަގުހެޔޮކޮށް ލައިފިއެވެ.
ރޯދަމަސް ނިމުމަށްފަހު މާލޭ ބާޒާރުން ކަރާ މަދުވެ ދިވެހި ކަރާ ކިލޯއެއްގެ އަގު 35 ރުފިޔާއަށް އަރައިގެން ދިޔައިރު، އިންޑިއާ ކަރާ ކިލޯއެއްގެ އަގު ވަނީ 25 ރުފިޔާއަށް އުފުލިފައެވެ. ވަރަށް ފަހަކާ ޖެހެންދެން ބާޒާރުގައި ކަރާގެ އަގު ހުރީ 20 ރުފިޔާއިން މަތީގެ އަގުތަކެއްގައެވެ.
ނަމަވެސް މިހާރު ބާޒާރުމަތީ ފިހާރަތަކަށް ކަރާގެންނަ މިންވަރު އިތުރުވެ، ކަރާގެ އަގު ވަނީ ރެކޯޑް މިންވަރަކަށް ދަށަށް ގޮސްފައެވެ. އަދި މިހާރު ބާޒާރުގައި ކަރާގެ ޑިމާންޑްދަށްވެ ކަރާތައްފީވާން ފެށުމާއެކު ކަރާ ކިލޯއެއްގެ އަގު ވަނީ، 8 ރުފިޔާއަށް ދަށަށް ގޮސްފައެވެ.
" މިދުވަސްވަރު ކަރާގެ ގަންނަ މީހުން މަދުވެއްޖެ. ހީވަނީ އިންތިހާބުކަންތަކާހެދިހެން" ބާޒާރުމަތީ ފިހާރައަކުން ވާހަކަދެއްކި މީހަކު ބުންޏެވެ.
ދަތުރުވެރިންގެ މާރުކޭޓުގައި ދިވެހި ކަރާގެ އަގު މިއަދު 18 ރުފިޔާގައި ހުރިއިރު އިންޑިއާ ކަރާ އެންމެ އަގުބޮޑުވެގެންވެސް ކިލޯއެއް 12 ރުފިޔާއަށް ލިބެން އެބަހުއްޓެވެ.
Advertisement
This content is created and paid for by advertisers and does not involve Voice Journalists
