ދައުލަތުގެ ވެރިއެއްގެ ގޮތުގައި މަސައްކަތް ކުރައްވަން ބޭނުންވާ ކަމުގައި ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ "ބޮޑު ބަދަލު" ނަމުގައި މިއަދު ރައީސް ނަޝީދާއި އެމްޑީޕީގެ ކުރީގެ ޗެއާޕާސަން ފައްޔާޒު އިސްމާއީލް ބޭއްވެވި ނޫސްވެރީންގެ ބައްދަލްވުމުގަ އެވެ. މި ބައްދަލްވުމުގައި ނަޝީދު ވަނީ ދައުލަތުގެ އެންމެ އިސްވެރިއަކަށް ފައްޔާޒް ގެންނަން ތާއީދު ކުރައްވާ ކަމަށް ވިދާޅުވެފަ އެވެ.
"މި ބޮޑު ބަދަލުތައް ގެނައުމަށްޓަކައި އަޅުގަނޑު ތާއީދު ކުރަން ފައްޔާޒް އިސްމާއީލް އެއީ ސަރުކާރުގެ އެންމެ މަތީވެރިޔާގެ ގޮތުގައި ކުރިމަތިލުމަށް," ނަޝީދު ވިދާޅުވި އެވެ.
އެފަދަ ވެރިކަމެއްގައި ރައީސް ނަޝީދުގެ ދައުރަކީ ކޮބައިތޯ ސުވާލުކުރުމުން އެ ސުވާލަށް ނަޝީދު ވިދާޅުވީ ދައުލަތުގެ ވެރިއެއްގެ ގޮތުގައި މަސައްކަތް ކުރައްވަން ބޭނުންވާ ކަމަށެވެ. ނަޝީދުގެ ވާހަކަފުޅު އަދި ދެ ބޭފުޅުން މިއަދު ހުށައެޅުއްވި ބަދަލުތަކުގައި ވެސް ބޮޑަށް ވަކާލާތު ކުރެއްވީ ބޮޑުވަޒީރަކާއި ރައީސަކު ހުންނަވާހެން ދައުލަތް ހިންގެވުމަށެވެ.
"އަޅުގަނޑު އެދެން ދައުލަތުގެ ވެރިއެއްގެ ގޮތުގައި މަސައްކަތް ކުރުމަށް. އަޅުގަނޑު އެދެން އެ މަަސައްކަތް އަޅުގަނޑު ކުރާއިރު ސަރުކާރުގެ ވެރިއަކީ ފައްޔާޒް އިސްމާއީލް ކަމުގައިވުމަށް," ރައީސް ނަޝީދު މިއަދު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
