މަރާމާތުގެ މަސައްކަތްތަކަށްފަހު، "ސުނާމީ ބިނާ މައިޒާން" ސަރަހައްދު އަނެއްކާވެސް އާއްމުނަށް ހުޅުވާލައިފިއެވެ.
މިކަމާ ގުޅޭގޮތުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން އެކްސްގައި ކުރި ޕޯސްޓެއްގައި ބުނެފައިވަނީ، ކުރިއަށްގެންދިޔަ މަރާމާތުގެ މަސައްކަތްތަކަށްފަހު ސުނާމީ ބިނާ މައިޒާން އާއްމުނަށް ވަދެވޭނެހެން ހުޅުވާލާފައިވާކަމަށެވެ.
މި މައިޒާން އަލުން ހުޅުވާފައިވަނީ ޒަމާނީ ބަދަލުތަކަކާ އެކުގައެވެ. މި ސަރަހައްދު މިހާރު ހަދާފައިވަނީ ހުރިހާ އުމުރުފުރައެއްގެ މީހުންނަށްވެސް ހިތްހަމަޖެހުމާއެކު ވަގުތު ހޭދަކޮށްލެވޭނެ މާހައުލެއްގެ ގޮތުގައެވެ.
އެމްޓީސީސީން ވަނީ ސުނާމީ ބިނާ ސަރަހައްދުގައި އިތުރު ލައިޓްތަކާއި، ފެންސްތަކުގެ އިތުރުން ހިނގާބިނގާ އުޅޭ ފަރާތްތަކައް ފަސޭހަ ކޮށްދިނުމަށްޓަކައި އެތަނުގައި ވޯކް-ވޭތައް އައުކޮށްފައެވެ. މި ސަރަހައްދަށް ޒިޔާރަތްކުރާ އާއިލާތަކާއި، ކުޑަކުދިންގެ އިތުރުން އިސްރަށްވެހިންނަށްވެސް މޫދުގެ ހިތްގައިމު މަންޒަރުތައް ބަލާލައި، އަރާމުކޮށްލުމުގެ ފުރުސަތު މިހާރު ލިބިގެންދާނޭކަމަށް އެމްޓީސީސީން ވަނީ ބުނެފައެވެ.
ސަރުކާރުން ދަނީ މާލޭގެ އެކި ސަރަހައްދުތަކުގައި ހިތްފަސޭހަ ކުރުމަށްޓަކައި ގާއިމްކޮށްފައި ހުންނަ ސަރަހައްދުތައް މަރާމާތުކުރުމުގެ މަސައްކަތް ކުރިއަށް ގެންދަމުންނެވެ. އެގޮތުން، ސަރުކާރުން ވަނީ ރަސްފަންނު ސަރަހައްދުވެސް މަރާމާތުކުރުމުގެ މަސައްކަތް ފަށާފައެވެ.
Advertisement
This content is created and paid for by advertisers and does not involve Voice Journalists
