"އެލައިޑް ހުޅުމާލެ ރަން 2026" އަށް ތައްޔާރުވުމުގެ ގޮތުން، އެލައިޑް އިންޝުއަރެންސްގެ އޮންލައިން ކޮމިއުނިޓީން ދޭ އެއްބާރުލުމާއި ދައްކާ ފޯރިއަށް ޝުކުރު އަދާކުރުމުގެ ގޮތުން "ޝެއަރ ދަ ރަން" ނަމުގައި ޚާއްޞަ ގިވްއަވޭއެއް ފަށައިފިއެވެ.

މިކަން އެލައިޑުން އިއުލާންކުރީ، މިއަދު އެ ކުންފުނިން ނެރުނު ރަސްމީ ނޫސްބަޔާނެއްގައެވެ. މި ކެމްޕޭން ކުރިއަށްދާނީ 20 އޭޕްރީލް އިން 23 މޭ 2026 ގެ ނިޔަލަށެވެ.  

މި ހަރަކާތުގެ ދަށުން، ދުވުމުގެ ފޯރި އިންސްޓަގްރާމް ސްޓޯރީ މެދުވެރިކޮށް ފަތުރައިދޭ ފަރާތްތަކުގެ ތެރެއިން ނަސީބުވެރި އެކަކަށް މުޅިން އަލަށް ބާޒާރަށް ނުކުތް "އެޕަލް އެއަރޕޮޑްސް ޕްރޯ 3" ލިބުމުގެ ފުރުޞަތު އޮންނާނެއެވެ. 

މި ޕްރޮގްރާމުގައި ބައިވެރިވޭނެ ގޮތްތަކަކީ:

އިންސްޓަގްރާމްގައި އެލައިޑް އިންޝުއަރެންސް ފޮލޯކުރުން - @allied.mv

އެލައިޑް ހުޅުމާލެ ރަން އާ ގުޅޭ ޕޯސްޓްތައް އަމިއްލަ އިންސްޓަގްރާމް ސްޓޯރީއަށް ޝެއަރކުރުން.

ސްޓޯރީގައި @allied.mv ޓެގްކުރުމާއެކު #AlliedHulhumaléRun2026 ހޭޝްޓެގް ބޭނުންކުރުން.

މި އިނާމު ލިބޭނީ އެންމެ ގިނައިން ސްޓޯރީ ޝެއަރކުރާ ފަރާތަކަށެވެ. ޕްރައިވެޓް އެކައުންޓް ގެންގުޅުއްވާ ފަރާތްތަކުން، ސްޓޯރީ ޝެއަރކުރުމަށްފަހު އޭގެ ސްކްރީންޝޮޓެއް @allied.mv އަށް ޑައިރެކްޓް މެސެޖް (DM) ކުރުމުން ބައިވެރިވުން ކަށަވަރުވާނެއެވެ.

އަހަރުގެ އެންމެ ފޯރިގަދަ މި އިޖުތިމާޢީ ހަރަކާތުގައި ބައިވެރިވެ، ދުވުމުގެ ރޫޙު އާލާކުރުމަށް އެލައިޑް އިންޝުއަރެންސްއިން އެންމެހާ ފަރާތްތަކަށް ދަޢުވަތު އަރުވައެވެ.