ކަރަންޓްގެ ހިދުމަތް މެދުކެނޑުނު މާފަންނުގެ ބައެއް ސަރަހައްދުތަކަށް ވަގުތީ ކޭބަލެއް އަޅައިގެން ކަރަންޓް ދިނުމަށް ސްޓެލްކޯއިން ތައްޔާރުވެއްޖެއެވެ.
ދިމާވި ޓެކްނިކަލް މައްސަލައެއްގައި މާފަންނުގެ ބޮޑު ސަރަހައްދަކުން މިއަދު މެންދުރު ވަނީ ކަރަންޓްގެ ހިދުމަތް މެދުކެނޑިފައެވެ. ކަރަންޓްގެ ހިދުމަތް މެދުކެނޑުނީ މާފަންނު މަދަރުސާ ސަރަހައްދުންކަމަށް ސްޓެލްކޯއިން ބުނެއެވެ. ކަރަންޓް ކެނޑުނުތާ އިރުކޮޅެއް ނުވަނީސް ބައެއް ސަރަހައްދުތަކަށް ވަނީ ކަރަންޓް ދީފައެވެ.
ސްޓެލްކޯއިން ބުނީ ކަރަންޓް ނުދެވޭ ހިސާބުތަކަށް ވަގުތީ ގޮތުން ކޭބަލެއް އަޅައި ކަރަންޓް ދިނުމުގެ މަސައްކަތް ފަށާފައިވާކަމަށެވެ. ވަގުތު ކަރަންޓުގެ ހިދުމަތް ނުދެވި ވަނީ މާފަންނުގެ ސަރަހައްދަކަމަށްވެސް ސްޓެލްކޯއިން ބުންޏެވެ.
މާފަންނުން މިއަދު ކަރަންޓް ކެނޑުނު އިރު، ރޭވެސް ބައެއް ގަޑިތަކުގައި ވަނީ ކަރަންޓް ކެނޑިފައެވެ. މާފަންނުން ކަަރަންޓް ކެނޑެން ދިމާވި ސީދާ ސަބަބެއް ސްޓެލްކޯއިން ބުނެފައެއް ނުވެއެވެ.
މާފަންނު ސަރަހައްދުން ކަރަންޓް ކެނޑުނުއިރު މިދިޔަ ހޮނިހިރުދުވަހު ހުޅުމާލެ ފޭސް ދޭކަށް ކަރަންޓް ދިނުމަށް ބޭނުންކުރާ މައި ކޭބަލެއް ބުރިވެ ފޭސް ދޭއްގެ ބޮޑު ބަޔަކުންވެސް ވަނީ ގިނަ ވަގުތުތަކަކަށް ކަރަންޓް ކެނޑުނުކަން ފާަހގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
