ގ. ހިޔާރޯދިގޭގެ ފުރަތަމަ ފަންގިފިލާގައި ހިނގި އަލިފާނުގެ ހާދިސާއާ ގުޅިގެން ފުލުހުން ހިންގި ތަހުގީގު ނިންމައި، އެ މައްސަލައިގައި މީހެއްގެ މައްޗަށް ދައުވާ ކޮށްދޭން އެދި މައްސަލަ ފޮނުވައިފި އެވެ.
އެ ހާދިސާގެ ތަހުގީގަށް ފުލުހުން ވަނީ ލ. މާބައިދޫ / ސަބުނަމްހައުސް، ޙުސައިން ޝަޙްބާން (29އ) ހައްޔަރުކޮށްފަ އެވެ. އޭނާ ހުރީ ޝަރީއަތް ނިމެންދެން ބަންދުކުރުމަށް ކޯޓުން އަމުރުކުރުމުން ފުލުހުންގެ ބަންދުގަ އެވެ.
ފުލުހުން މިއަދު ބުނީ މާރިޗު 18 ވަނަ ދުވަހުގެ ހެނދުނު ގ. ހިޔާރޯދިގޭގެ ފުރަތަމަ ފަންގިފިލާގައި ހިނގި އަލިފާނުގެ ހާދިސާއާ ގުޅިގެން ފުލުހުން ހިންގި ތަހުގީގު ނިންމައި، އެ މައްސަލައިގައި މީހެއްގެ މައްޗަށް ދައުވާ ކޮށްދޭން އެދި އެ މައްސަލަ އޭޕްރީލް 21 ވަނަ ދުވަހު ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައިވާ ކަމަށެވެ.
ނަމަވެސް ތަހުގީގުގެ އިތުރު ތަފްސީލެއް ނުދެ އެވެ. އެހެން ކަމުން ޝަހުބާންގެ މައްޗަށް ކުރަނީ ކޮން ތުހުަތެއް ކަމެއް ސާފެއް ނުވެ އެވެ. އަލިފާން ރޯވީ އޭނާ ކުރި ކަމެއްގެ ސަބަބުން ކަމެއް ނުވަތަ ނުވަތަ ގަސްތުގައި ކުރި ކަމެއް ވެސް ސާފެއް ނުވެ އެވެ.
Advertisement
This content is created and paid for by advertisers and does not involve Voice Journalists
