މި ދުވަސްވަރު ރާއްޖޭގައި އިންފްލުއެންޒާ ފެތުރެމުންދާތީ ސަމާލުވުމަށް އެޗްޕީއޭއިން އެދިއްޖެއެވެ.
އެޗްޕިއޭއިން މިހެން ބުނެފައިވަނީ، އެ އިދާރާއިން މިއަދު އެކްސްގައި ކުރި ޕޯސްޓަކުންނެވެ.
އެގޮތުން އިންފްލުއެންޒާއިން ރައްކާތެރިވުމުގެ ގޮތުން އަންނަނިވި ފިޔަވަޅުތައް އެޅުމަށް އެޗްޕީއޭއިން ވަނީ އެދިފައެވެ.
• އަތް ދޮވުން: ގިނަގިނައިން ސައިބޯނި ލައިގެން އަތް ދޮވުން.
• މާސްކް އެޅުން: ބަލީގެ އަލާމާތް ހުރިނަމަ ނުވަތަ މީހުން ގިނަ ތަންތަނުގައި މާސްކް އެޅުން.
• ސާފުތާހިރުކަން: ކެއްސާ ކިނބިހި އަޅާއިރު އަނގަޔާއި ނޭފަތް ނިވާކުރުން.
• ބަލިވެއްޖެނަމަ: ގިނައިން ދިޔާ އެއްޗެހި ބުއިން އަދި ބަލި ބޮޑުވާނަމަ ޑޮކްޓަރަށް ދެއްކުން.
މީގެ އިތުރުން އެޗްޕީއޭއިން ވަނީ، އަމިއްލަ ސާފުތާހިރުކަމަށް އިސްކަންދީ، އެހެން މީހުންނަށް ބަލި ފެތުރުނަނުދިނުމަށް އެންމެން އެކުގައި މަސައްކަތް ކުރުމަށްވެސް ބާރުއަޅުއްވާފައެވެ.
މި ދުވަސްވަރަކީ އިންފިލުއެންޒާގެ އިތުރުން ޑެންގޫ ހުން ވެސް ފެތުރުން އިތުރުވެފައިވާ ދުވަސްވަރެކެވެ. އެގޮތުން، އެޗްޕިއޭއިން ވަނީ މަދިރި އުފެދޭ ތަންތަން ނައްތާލުމަށް ފާއިތުވެދިޔަ ދުވަސްތަކުގައި އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists
