މިހާރު ކުރިއަށްދާ އެމްއެންޔޫއެސްޔޫ ފުޓްސަލް ފިއެސްޓާގެ ސެމީފައިނަލް މެޗްތައް މިރޭ ރެހެނދި ފުޓްސަލް ދަނޑުގައި ކުރިއަށްދާނެއެވެ.

މިރޭ ސެމީފައިނަލްގެ ހަތަރު މެޗެއް ކުޅުމަށް ހަމަޖެހިފައިވާއިރު، ފުރަތަމަ ކުޅޭނީ އަންހެނުންގެ ސެމީފައިނަލް ދެމެޗެވެ. މީގެ ތެރެއިން 20:00 ގައި ކުޅޭ މެޗްގައި ބައްދަލުކުރާނީ މާލޭ ބިޒްނަސް ސްކޫލާއި، ސެންޓަރ ފޯ ފައުންޑޭޝަން ސްޓަޑީޒް، އެފްއެޗްއެސް އެވެ. މި މެޗް ކުޅުމަށް ނިންމާފައިވަނީ ރެހެނދި އެއް ނަމްބަރު ދަނޑުގައެވެ. 

އަންހެން ޑިވިޒަނުގެ މެޗް ތާވަލް

އަންހެނުންގެ ސެމީފައިނަލް ދެވަނަ މެޗްގައި ބައްދަލުކުރާނީ ވިލާ ކޮލެޖާއި މެއިންޒް ކޮލެޖެވެ. މިމެޗް ފެށުމަށް ތާވަލްކޮށްފައިވަނީ، 21:00 ގައެވެ.

މުބާރާތުގެ ފިރިހެނުންގެ ސެމީފައިނަލް މެޗްތައް ފަށާނީ 22:00 ގައެވެ. ފުރަތަމަ މެޗްގައި ބައްދަލުކުރާނީ، މޯލްޑިވްސް ބިޒްނަސް ސްކޫލާއި، ފެކަލްޓީ އޮފް އެޑިއުކެޝަން އެވެ. ދެވަނަ މެޗްގައި ބައްދަލުކުރާނީ، މެޕްސް ކޮލެޖާއި ސެންޓަރ ފޯ ފައުންޑޭޝަން ސްޓަޑީޒް އެވެ. މިމެޗް ފެށުމަށް ނިންމާފައިވަނީ، 23:00 ގައެވެ.

ފިރިހެން ޑިވިޒަނުގެ މެޗް ތާވަލް

އަންހެން އަދި ފިރިހެން ޑިވިޝަނަށް ހުޅުވާލައިގެން ކުރިއަށް ގެންދާ އެމް.އެން.ޔޫ.އެސް.ޔޫ ފުޓްސަލް ފިއެސްޓާ އަކީ ދިވެހިރާއްޖޭގެ މަތީ ސާނަވީ ދާއިރާގައި ބާއްވާ އެންމެ ބޮޑު ކުޅިވަރު ޙަރަކާތެވެ. މި އަހަރުގެ މުބާރާތުގައި ދެ ޑިވިޝަނުން ޖުމުލަ 31 ޓީމު ބައިވެރިވެފައިވެއެވެ.