ވ އަތޮޅު ކޭވްއެއް ބަލާލުމަށް ޑައިވިނަށް ދިޔަ ފަތުރުވެރިންތަކެއް މަރުވި މައްސަލާގައި އެމީހުން ގޮވައިގެން ދަތުރުކުރި ސަފާރީގެ އޮޕަރޭޓިން ލައިސަންސް ހިފަހައްޓައިފިއެވެ.
ޓޫރިޒަމް މިނިސްޓްރީން ބުނާގޮތުގައި މި މައްސަލާގައި ލައިސަންސް ހިފަހައްޓާފައިވަނީ، "އެމްވީ ޑޫކް އޮފް ޔޯކް" ނަމަކަށް ކިޔާ ސަފާރީއެކެވެ. ލައިނަންސް ހިފެހެއްޓީ ވަކި މުއްދަތެއް ނެތިއެވެ.
ވ އަތޮޅަށް ޑައިވިނަށް ގޮސްގެން އުޅެނިކޮށް އެމީހުން ގެއްލުކަމުގެ ރިޕޯޓް ކަމާބެހޭ އިދާރާތަކަށް ލިބިފައިވަނީ، މިދިޔަ ހުކުރުދުވަހުގެ 13:45 އެހައިކަންހާއިރު ކަމަށް ފުލުހުން ވަނީ ބުނެފައެވެ. ސަފާރީން ފަސް މީހަކު ޑައިވިނަށް ދިޔައެވެ. އެ އެންމެންވެސް ނިސްބަތްވަނީ އިޓަލީއަށެވެ. އޭގެ ތެރެއިން މިހާތަނަށް ފެނިފައިވަނީ އެންމެ މީހެކެވެ. މައުލޫމާތު ލިބޭ ގޮތުގައި ފެނިފައިވަނީ އެމީހުންގެ އިންސްޓްރަކްޓަރަކަށް ދިޔަ ޑައިވަރެވެ. އޭމީހާ ފެނުނު އިރުވެސް އޮތީ މަރުވެފައެވެ.
ގެއްލުނު ޑައިވަރުން ހޯދުމަށް ސިފައިން ވަނީ ހާއްސަ ރެސްކިއު އޮޕަރޭޝަނެއް ފަށާފައެވެ. މި އޮޕަރޭޝަން ހިނގަމުންދާގޮތް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ ބައްލަވާލައްވާފައެވެ.
Advertisement
This content is created and paid for by advertisers and does not involve Voice Journalists
