ދިރާގުގެ "އެންރޯލް އެންޑް ވިން 2 ސްޕީޑްބޯޓްސް" ޕްރޮމޯޝަންގެ ދަށުން ދެވަނަ ސްޕީޑްބޯޓް ލިބޭ ނަސީބުވެރިޔާ ހޮވުމުގެ ގުރުއަތު ނެގުމަށް ބާއްވާ ޚާއްޞަ އިވެންޓް 10 ޖުލައި 2026 ވާ ހުކުރު ދުވަހު އާޓިފިޝަލް ބީޗުގައި ބާއްވާނެ ކަމަށް އެ ކުންފުނިން އިއުލާނުކޮށްފައިވެއެވެ.
އެ ކުންފުނިން ބުނީ މި އިވެންޓް ފެށުމަށް ހަމަޖެހިފައިވަނީ ހުކުރު ދުވަހުގެ ހަވީރު 4:00 ގައި ކަމަށެވެ. މި އިވެންޓް ކުރިއަށްދާނީ މިއުޒިކާއި މުނިފޫހިފިލުވުމުގެ ހަރަކާތްތަކާ އެކު އާއިލާއާއި ރައްޓެހިންނާ އެކު ބައިވެރިވެވޭ ގޮތަށް ކަމަށް ދިރާގުން ބުނެފައިވެއެވެ.
ދެވަނަ ނަސީބުވެރިޔާއަށް ލިބިގެންދާނީ އަލް ޝާލީ މެރިން ކެނެރީ 28 މޮޑެލްގެ ސްޕޯޓްސް ސްޕީޑްބޯޓެއް ކަމަށް ދިރާގުން ބުނެފައިވެއެވެ. އެ ކުންފުނިން ބުނި ގޮތުގައި މި ސްޕީޑްބޯޓަކީ އެކި ކަންކަމަށް ބޭނުންކުރެވޭ ގޮތަށް ފަރުމާކޮށްފައިވާ ބާރުގަދަ އުޅަނދެކެވެ. މި އުޅަނދުގައި ޔަމަހާ 250 ހޯސްޕަވަރުގެ އިންޖީނެއް އެކުލެވިގެންވެއެވެ.
ދިރާގުން ހާމަކުރި ގޮތުގައި މި ލަކީ ޑްރޯގައި ބައިވެރިވެވޭނީ 31 މާރިޗު 2026 ގެ ކުރިން ޕްރޮމޯޝަނުގައި އެންރޯލްކޮށް 30 ޖޫން 2026 ގެ ނިޔަލަށް ޝަރުތު ހަމަވާ ކަސްޓަމަރުންނަށެވެ. އޭގެ ތެރޭގައި ހިމެނެނީ 450 ރުފިޔާ ނުވަތަ އެއަށްވުރެ އިތުރަށް ރީލޯޑްކުރި ޕްރީޕެއިޑް ކަސްޓަމަރުންނާއި 450 ރުފިޔާ ނުވަތަ އެއަށްވުރެ މަތީ ޕޯސްޓްޕެއިޑް ޕްލޭންތަކުގެ ކަސްޓަމަރުންނާއި ލިމިޓެއް ނެތް ފައިބަރ 40އެމް ނުވަތަ އެއަށްވުރެ މަތީ ޕްލޭންތަކުގެ ކަސްޓަމަރުންނެވެ. މީގެ އިތުރުން ދިރާގުޕޭ އަށް ރަޖިސްޓަރީކޮށްގެން ތިބި ކަސްޓަމަރުންނާއި އަލަށް ރަޖިސްޓަރީ ކުރި ކަސްޓަމަރުންނަށް ވެސް ފުރުޞަތު ލިބިފައިވެއެވެ.
Advertisement
This content is created and paid for by advertisers and does not involve Voice Journalists
