ޕީޕަލްސް ނެޝަނަލް ކޮންގްރެސް (ޕީއެންސީ) ގެ މެންބަރުންގެ އަދަދު 80,000 އަށް ވުރެ އިތުރުވެއްޖެ ކަަމަށް ރައީސް ޑރ. މުހައްމަދު މުޢިއްޒު ވިދާޅުވެއްޖެ އެވެ.
ރައީސް މުޢިއްޒަކީ ޕީއެންސީގެ ރައީސް ވެސް މެ އެވެ. ރޭ އޮތް ކޮންގްރެސް ޕާޓީގެ ޖަލްސާގައި ތަގުރީރު ކުރެއްވުމަށް ފަހު އިތުރު ފުރުސަތެއް ހޯއްދަވާ ދެއްކެވި ވާހަކަފުޅުގައި ރައީސް ވިދާޅުވީ ޕީއެންސީގެ މެންބަރުންގެ އަދަދު 80,000 ވުރެ އިތުރުވެއްޖެ ކަމަށެވެ.
މިވަގުތު އެ ޕާޓީގައި 80,083 މެންބަރުން އެބަ ތިބި ކަމަށް ވިދާޅުވި އެވެ. އަދި ވިދާޅުވީ އަމާޒަކީ ޕާޓީގެ މެންބަރުންގެ އަދަދު 100,000 ގެންދިއުން ކަމަށެވެ.
ރައީސް ވިދާޅުވީ މީގެ ދެ އަހަރާއި ބައިގެ ކުރީން ޕީއެންސީގައި ތިބީ 3,000 މެންބަރުން ކަމަށާ މިހާ ކުރު މުއްދަތެއްގައި 80,000 މެންބަރުންގެ އަދަދު އިތުރުވުމަކީ ލިބުނު ވަރަށް ބޮޑު ކާމިޔާބީއެއް ކަމަށެވެ. މެންބަރުންގެ އަދަދު 100,000 ގެންދިއުމަށް ހުރިހާ މެންބަރުން މަސައްކަތް ކޮށްދެއްވުމަށް ރައީސް އެދިވަޑަައިގަތެވެ.
Advertisement
This content is created and paid for by advertisers and does not involve Voice Journalists
