އިމިގްރޭޝަނުން ހިންގި އޮޕަރޭޝަނެއްގައި ތައިލެންޑް އަންހެނަކު ހައްޔަރުކުރި ގޮތް ގޯސްވެގެން އެންމެފަހުން އޭނާ ދޫކޮށްލަން ޖެހިއްޖެއެވެ.
ކަނަކްޕޮން ނަމަކަށް ކިޔާ މި އަންހެން މީހާ އިމިގްރޭޝަނުން ހައްޔަރުކޮށްފައިވަނީ މިދިޔަ އަހަރުގެ ޑިސެމްބަރުމަހު ހިންގި އޮޕަރޭޝަނެއްގައެވެ. އޭނާ ހައްޔަރުކުރިކަމަށް ވަނީ މަރާމާތައް ބަންދުކޮށްފައިވާ ސްޕާއެއްގެ ތެރެއިންނެވެ. އިމިގްރޭޝަނުން ކަނަކްޕޮން ދޫކޮށްލަން ނިންމީ ޝަރުއީ މަރުހަލާގެ ތެރެއިންނެވެ. އެއީ ކަނަކްޕޮން ހައްޔަރުކުރި ގޮތް ގޯސްވެގެން އޭނާ ޖުޑީޝަލް ރިވިއު ދައުވާއެއްގެ ގޮތުގައި ކޯޓަށް ހުށަހެޅުމުންނެވެ.
މައްސަލާގައި ކަނަކްޕޮން ބުނެފައިވަނީ އޭނާ ހައްޔަރުކުރީ ރައްޓެހިންނާއެކު ކައްކަން ހުއްޓާ ކަމަށާއި، އެ ވަގުތަކީ އޭނާ ވަޒީފާ އަދާކުރާ ސެލޫން މަރާމާތަށް ބަންދުކޮށްފައިވާ ދުވަސްވަރެއްކަމަށެވެ. ރާއްޖޭގައި ހުރުމުގެ ސައްހަ ވިސާ އޮތްއިރުވެސް، އެއްވެސް ކުށަކާ ނުލައި ހައްޔަރުކޮށް، އޭނާއަށް ނޭނގޭ އިނގިރޭސި ބަހުން ތައްޔާރުކޮށްފައިވާ ބަޔާނެއްގައި އިމިގްރޭޝަނުން މަޖުބޫރުން ސޮއިކުރުވިކަމަށްވެސް އޭނާ ބުންޏެވެ. އަދި އެ ބަޔާނުގައި ސޮއިކުރުވީ ތަރުޖަމާނެއްގެ އެހީތެރިކަމެއް ނެތި، އޭނާގެ ސްޕޮންސަރަށް އެންގުމެއް ނެތި ކަމަށް އޭނާ ކޯޓަށްދިން ބަޔާނުގައި ވަނީ ފާހަގަކޮށްފައެވެ.
ނަމަވެސް މިދިޔަ އޮގަސްޓް މަހުގެ 12 ވަނަ ދުވަހު ތަވޮންގްނާ ވަނީ މި މައްސަލަ އިތުރަށް ކުރިއަށް ނުގެންގޮސް، އަނބުރާ ގެންދިއުމަށް އެދިފައެވެ. އެއީ އިމިގްރޭޝަނުން އޭނާއާ މެދު އަޅާފައިވާ ފިޔަވަޅުތައް ބާތިލުކޮށް، އޭނާގެ ހާލަތު އިއާދަކޮށްދިނުމަށް ދެ ފަރާތުގެ މެދުގައި އެއްބަސްވުމަކަށް އާދެވުމާ ގުޅިގެންނެވެ. މި އެއްބަސްވުމާ ގުޅިގެން، ސިވިލް ކޯޓުން އިއްޔެ ވަނީ މި މައްސަލަ ނިންމާލާފައެވެ.
Advertisement
This content is created and paid for by advertisers and does not involve Voice Journalists
