މިއީ އެންމެ ސާރވިސް ޗާޖު ބަރާބަރު ރިސޯޓްތައް!

29 Aug 2019 | 09:52

ތަފާސްހިސާބުތަކުން ދައްކާގޮތުގައި ފަތުރުވެރިކަމުގެ ސިނާއަތަކީ ރާއްޖޭގެ ޖީޑީޕީ ނުވަަތަ އުފެއްދުންތެރިކަމުގެ މިންވަރުގެ 28އިންސައްތައެވެ. މި ސިނާއަަތަކީ އެ ސިނާއަތުން އެންމެ ގިނަ ބޭރު ފައިސާ ވަންނަ ވަސީލަތަށް މިވަނީ ވެފައެވެ. ފަތުރުވެރިކަމުގެ ސިނާއަތް މިހާބޮޑަށް ފުޅާވަމުންދާއިރު، އެ ދާއިރާގައި ވަޒީފާގެ ފުރުސަތުތައް ދަނީ އިތުުރުވަމުންނެވެ.

ފަތުރުވެރިކަމުގެ ދާއިރާގައި ހަރަކާތްތެރިވާ ދިވެހިންގެ އަދަދު ދުވަހެއް ދުވަހަކަށް އިތުރުވަމުންދާއިރު، އެފަރާތްތަކުގެ ބޮޑު ޝަކުވާއެއް އޮވެއެވެ. އެއީ ދާއިރާގެ ރިސޯޓްތަކުންނާއި ހޮޓެލްތަކުން މުވައްޒަފުންނަށް މުސާރައިގެ އިތުރުން ދޭ ސާރވިސް ޗާޖު ކުޑަވުމެވެ.

ނަމަވެސް ދިވެހިރާއްޖޭގެ ބައެއް ރިސޯޓްތަކަކީ ސާރވިސް ޗާޖު ދިނުމުގައި ފާހަގަކޮށްލެވޭ ރިސޯޓްތަކެކެވެ. މި ފާހަގަކޮށްލަނީ ފާއިތުވި ހަތަރު މަހު އެވްރެޖްގޮތެއްގައި އެންމެ ގިނައިން ސާރވިސް ޗާޖް ދިން ފަސް ރިސޯޓެވެ.

1- ޗެވަލް ބްލެންކް ރަންދެލި- 1522.68 ޑޮލަރު

2- ވެލާ ޕްރައިވެޓް އައިލެންޑް- 1508.80 ޑޮލަރު

3- ވަން އެންޑް އޮންލީ ރީތިރަށް- 1,195.43 ޑޮލަރު

4- ދަ ސެއިންޓް ރެޖިސް ވޮއްމުލި- 1,178.69 ޑޮލަރު

5- ފޯ ސީޒަންސް ރިސޯޓް- 1,100.47 ޑޮލަރު، މިއެވެ.

މި މައުލޫމާތު ނެގިފައިވަނީ ރިސޯޓްތަކުގެ މުވައްޒަފުންނަށް ފޯރުކޮށްދޭ ސާރވިސް ޗާޖްގެ ކަންކަން ދިރާސާކުރާ ވެބްސައިޓެއްކަމުގައިވާ މޯލްޑިވްސްއެސްއެސްސީ އިންނެވެ. މި ވެބްސައިޓްގެ މައުލޫމާތަކީ ފަތުރުވެރިކަމުގެ ދާއިރާއިން ވަޒީފާ ހޯދަން ބޭނުންވާ ފަރާތްތަކަށް ރަނގަޅު ތަނެއް ޚިޔާރު ކުރުމުގައި އެހީތެރިވުމެވެ.

Advertisement

ކޮމެންޓް