ކަރަންޓީން ނިންމާފައި ރަށަށް ދާން ބޭނުންވާ ފަރާތްތަކަށް އެކަން ހަމަޖައްސައިދޭނަން: މަބްރޫކް
ދިވެހިރާއްޖެއިން ބޭރުން އައިސްފައިވާ ފަރާތްތަކުގެ ތެރެއިން ކަރަންޓީންގެ މުއްދަތު ފުރިިހަމަކުރުމަށްފަހު ފެސިލިޓީތަކުން ދޫކޮށްލާ ފަރާތްތަކުން ރަށަށް ދާން ބޭނުންނަމަ އެކަން ހަމަޖައްސައިދޭނެކަމަށް ބުނެފިއެވެ.
މިރޭ ދަރުބާރުގޭގައި އޮތް ނޫސްވެރިންގެ ބައްދަލުވުމުގައި ވޮއިސްގެ ފަރާތުން ކުރި ސުވާލަކަށް ޖަވާބުދެއްވަމުން ނޭޝަނަލް އިމަރޖެންސީ އޮަޕަރޭޝަންސް ސެންޓަރުގެ ތަރުޖަމާނު މަބްރޫކް އަޒީޒް ވިދާޅުވީ ކަރަންޓީންގެ ސާދަ ދުވަހުގެ މުއްދަތު ނިންމާލުމަށް ފަހުގައި ރަށްރަށަށް ދާން ބޭނުންވާ ފަރާތްތަކަށް އެކަމުގެ އިންތިޒާމް ހަމަޖައްސައިދޭނެ ކަމަށެވެ.
ނަމަވެސް އެފަރާތްތަކުން ރަށަށް ދިއުމުގެ ކުރިން މާލެއަށް އައިސް މަޑުކޮށްފިނަމަ ރަށަށް ގޮސް، ސާދަ ދުވަސް ވަންދެން ހޯމް އައިސޮލޭޝަންގައި މަޑުކުރަން ޖެހޭނެކަމަށް އެބޭފުޅާ ވިދާޅުވިއެވެ.
މީގެ ކުރިން މާލެ ލޮކްޑައުންއަކަށް ދިއުމުގެ ކުރިން އަމަލުކުރަމުންދިޔަ އުސޫލަކީ ކަރަންޓީންގެ މުއްދަތު ނިންމައި، އެގްޒިޓް ސްކްރީނިންގ ހެދުމަށްފަހު މާލެއަށް ގެނެސް އާއިލާއާއި ހަވާލުކުރުންކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists