މިނިސްޓަރު ނާޒިމް ވިދާޅުވި ގޮތުގައި ސިއްހީ ދާއިރާގެ ގިނަ މަސައްކަތްތަކެއް މިހާރުވެސް ކުރިއަށްދަނީ ސައިންޓިފިކް ހޯދުންތަކަށް ބަރޯސާވެގެންނެވެ. އޭގެ ތެރޭގައި ޕްރައިމަރީ ހެލްތު ކެއާ، ޕްރިވެންޓިވް ކެއާ، ދުންފަތުގެ ވަބާއިން ސަލާމަތްކުރުން، އަދި ގައިންގަޔަށް ނާރާ ބަލިތައް ދުރާލާ ދެނެގަތުން ހިމެނެއެވެ. މީގެ އިތުރުން ޓީބީ އާއި އެޗްއައިވީ ފެތުރުން ހުއްޓުވުމާއި، ވެކްސިން ދިނުމާއި، ޓެލެ މެޑިސިން ފަދަ ޒަމާނީ ހިދުމަތްތަކަކީ ވެސް މެޑިކަލް ސައިންސްގެ ހެކިތަކުގެ މައްޗަށް ބިނާކޮށް އެކުލަވާލާފައިވާ ސިޔާސަތުތަކެއްކަން އޭނާ ބަޔާންކުރެއްވިއެވެ.