އިއްޔެގެ ނިޔަލަށް ރިޔާސީ އިންތިޚާބުގައި ވޯޓުލުމަށް ރީ ރެޖިސްޓަރ ކުރުމަށް ފޯމު ހުށައަޅައިފައިވަނީ 11933 ފޯމު ކަމަށް އިލެކްޝަންސް ކޮމިޝަންގެ ނައިބުރައީސް އިސްމާއިލް ޙަބީބް ވިދާޅުވެއްޖެއެވެ.

ޤައުމީ މަސްލަހަތައްޓަކައި ކުރިއަށް އޮތް ރިޔާސީ އިންތިޚާބުގައި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އިން ބައިވެރިވުން މުހިންމުކަމަށް އިލެކްޝަންސް ކޮމިޝަންގެ ރައީސް ފުއާދު ތައުފީގު ވިދާޅުވެއްޖެ އެވެ.

އިލެކްޝަންސް ކޮމިޝަން (އީސީ)ގެ ބައެއް މެންބަރުން، އެ ބޭފުޅުންގެ އާއިލާގެ ބޭފުޅުންނަށް އެ ކޮމިޝަނުން ވަޒީފާ ދެއްވުމަށް އެދޭ ކަމަށާ، އެހެން ނަމަވެސް ކަނޑައެޅިފައިވާ އުސޫލާއި ޚިލާފަށް އެކަން ނުކުރައްވާނެ ކަމަށް މެންބަރުންނަށް އަންގަވާފައި ވާނެ ކަމަށް އީސީގެ ރައީސް ފުއާދު ތައުފީގު ވިދާޅުވެއްޖެއެވެ.

ރިޔާސީ އިންތިޚާބުގައި ވާދަކުރާ ކެންޑިޑޭޓުންގެ ހައްޤުތައް ހޯދައިދިނުމުގައި އިލެކްޝަންސް ކޮމިޝަނުން އެއްވެސް ކަހަލަ ތަފާތުކުރުމެއް ނުގެންގުޅޭނެކަމަށް އިލެކްޝަންސް ކޮމިޝަންގެ ރައީސް ފުއާދު ތައުފީގު ވިދާޅުވެއްޖެ އެވެ.

އެބޭފުޅާގެ ޒަމީރު، އެއީ ރަނގަޅު ކަންކަމުގެ ގޮތުގައި ގަބޫލު ނުކުރާ ކަންކަން ވެސް އިލެކްޝަންސް ކޮމިޝަންގެ ތެރޭގައި ހިނގަމުންދާ ކަމަށް، އެ ކޮމިޝަންގެ ރައީސް ފުއާދު ތައުފީގު ވިދާޅުވެއްޖެއެވެ.

އިލެކްޝަންސް ކޮމިޝަން (އީސީ) ގެ މެންބަރު ކަމުގައި ހުންނެވި އަލީ ނަޝާތުގެ ފަސް އަހަރުގެ ދައުރު ހަމަވެ، އީސީގެ ގާނޫނީ އަދަދު ގެއްލިއްޖެއެވެ.

އިލެކްޝަންސް ކޮމިޝަންގެ ރައީސް ފުއާދު ތައުފީގުގެ އިތުބާރު ނެތް ކަމުގެ ވޯޓެއް ނެގި ނަމަވެސް، ކޮމިޝަންގެ ރައީސް މަގާމުން ވަކިކުރުމުގެ ބާރު މެންބަރުންނަށް ލިބިދީފައި ނުވާ ކަމަށް އެ ކޮމިޝަންގެ ނައިބު ރައީސް އިސްމާއީލް ހަބީބު ވިދާޅުވެއްޖެއެވެ.

އިލެކްޝަންސް ކޮމިޝަންގެ ރައީސްގެ އިތުބާރު ނެތްކަމުގެ މައްސަލައެއް އެ ކޮމިޝަނަށް ވައްދައި، އެ މައްސަލަ ފާސްކޮށްފައިވާ ކަމުގެ މައުލޫމާތު ކޮމިޝަންގެ އެއްވެސް މެންބަރަކު އަންގާފައި ނުވާ ކަމަށް އެ ކޮމިޝަނުގެ ރައީސް ފުއާދު ތައުފީގު ވިދާޅުވެއްޖެއެވެ.