މި އިވެންޓް ޝަރަފުވެރިކޮށްދެއްވީ މިނިސްޓަރ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވޯރކްސް އަލްފާޟިލް އާދަމް ޝަރީފްއެވެ. އަދި މި ރިސްމިއްޔާތުގައި މާލެ ސިޓީގެ ކުރީގެ ޑެޕިއުޓީ މޭޔަރ އަދި ބާރަށު ދާއިރާގެ މަޖިލިސް މެންބަރު އަލްފާޟިލް އިބްރާހިމް ޝުޖާއު އާއި ލޯކަލް ގަވަރނަންސް އޮތޯރިޓީގެ ސީއީއޯ އަލްފާޟިލް މުހައްމަދު ނިމާލް ބައިވެރިވެ ވަޑައިގެންނެވިއެވެ.

ރައީސް ފާހަގަކުރެއްވި ގޮތުގައި މީގެ ކުރީގެ ސަރުކާރުތަކުން ފެށި ހައުސިންގް މަޝްރޫއުތައް އެ ސަރުކާރެއްގެ ދައުރުގެ ތެރޭގައި ނިންމައި، ރައްޔިތުންނަށް ބޭނުންކުރުމުގެ ފުރުސަތު ދެވިފައެއް ނުވެއެވެ. ނަމަވެސް މި ސަރުކާރުގެ އަމާޒަކީ އެ އުސޫލު ބަދަލުކޮށް، މަސައްކަތްތައް ހަލުވި ދުވެލީގައި ކުރިއަށް ގެންގޮސް ކަނޑައެޅިފައިވާ މުއްދަތަށް ނިންމުމެވެ.