މޫސުން ގޯސްވާނެ ކަމަށް ލަފާކުރެވޭތީ މޫސުމާއި ބެހޭ އިދާރާ (މެޓް އޮފީސް) އިން ރާއްޖޭގެ ބޮޑުބަޔަކަށް ހުދު ސަމާލު ނެރެފިއެވެ.

ށ. މިލަންދޫ، ހެޕީލޭންޑް، އާދަމް އަޠުހަރު ފުލުހުންގެ ބެލުމުގެ ދަށުގައި ހުއްޓާ މަރުވި މައްސަލަ ހިއުމަން ރައިޓްސް ކޮމިޝަނުން ބަލަމުންދާ ކަމަށް އެ ކޮމިޝަނުން މިއަދު ހާމަކޮށްފިއެވެ.

މިއަހަރުގެ ގައުމީ ދުވަހާ ގުޅިގެން އަންނަ ދެ ދުވަހުގެ ބަންދުގައި ވެސް ޕާސްޕޯޓް ހެއްދުމުގެ ޚިދުމަތް ދެމުން ގެންދާނެ ކަމަށް މޯލްޑިވްސް އިމިގްރޭޝަނުން އިއުލާނުކޮށްފިއެވެ.

ދިވެހިރާއްޖެއާއި އެކުވެރި އަރަބި އިމާރާތް (ޔޫއޭއީ) އާ ދެމެދު އޮތް ގުޅުން އިތުރަށް ހަރުދަނާކުރުމުގެ މަޤްޞަދުގައި، ފޮރިން މިނިސްޓަރު މޫސާ ޒަމީރު މިއަދު ރަސްމީ ދަތުރެއްގައި އަބޫދާބީއަށް ވަޑައިގެންފިއެވެ.

ދިވެހިރާއްޖެއާއި އިންޑޮނޭޝިއާއާ ދެމެދު ސިޔާސީ ގުޅުން ޤާއިމުކުރިތާ 50 އަހަރު ފުރުމުގެ މުނާސަބަތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އިންޑޮނޭޝިއާގެ ރައީސް ޖޯކޯ ވިޑޯޑޯއަށް ތަހުނިޔާއާއި ހެޔޮއެދުންތައް ފޮނުއްވައިފިއެވެ.

އިއްޒުއްދީން ސްކޫލްގެ ޕްރިންސިޕަލެއްގެ ގޮތުގައި މަސައްކަތްކުރައްވަމުން ގެންދެވި ނާދިރާ ހަސަން، ދަރުމަވަންތަ ސްކޫލްގެ އައު ޕްރިންސިޕަލެއްގެ ގޮތުގައި ޢައްޔަންކޮށްފިއެވެ.

ފުލުހުންގެ މަސައްކަތްތައް އިތުރަށް ހަރުދަނާކޮށް ޒަމާނީ ކުރުމަށްޓަކައި އައު އެޕްލިކޭޝަންތަކެއް ތަޢާރަފުކޮށްފިއެވެ.

މާކެޓުގެ އަގާއި އެއްގޮތަށް މިފްކޯއިން ކަނޑުމަސް ގަންނަ އަގު ބަދަލުކުރާގޮތަށް ނިންމި ދުވަހުން ފެށިގެން މަސް ގަންނަ އަގަށް ބަދަލު ގެނެސްފައިނުވަނީ، ދުނިޔޭގެ ބާޒާރުގައި ކަނޑުމަހުގެ އަގަށް އެދުވަހުން ފެށިގެން އަދިވެސް ހެޔޮ ބަދަލެއް އައިސްފައިނުވާތީކަމަށް އެކުންފުނިން ބުނެފިއެވެ.