މާރިޗު މަހުގެ 29 ވަނަ ދުވަހަކީ ރަމަޟާން މަހުގެވެސް 29 ވަނަ ދުވަހެވެ. އެދުވަހު ދިވެހިރާއްޖެއަށް އިރުއޮއްސެނީ 18 ގަޑި 14 މިނެޓުގައެވެ. ހަނދު އޮއްސެނީވެސް، ހަމަ އެގަޑީގައެވެ.

ރަމަޟާން މަހަކީ އަޅުގަނޑުމެން ރޫޙާނީ ގޮތުން ޠާހިރުވުމާއި، އަޅުގަނޑުމެންގެ ތަޤްވާވެރިކަން އިތުރުކުރުމަށާއި، ދަރުމައާއި ބަރަކާތް ހޯދުމަށާއި، އަދި މާތްالله އާއި ދެމެދު ވަރުގަދަ ގުޅުމެއް ބިނާކުރުމަށް އޮންނަ ވަގުތެކެވެ. ރަމަޟާން މަހުގެ ދުވަސްތަކާއި ރޭތަކުގެ ތެރެއިން އެންމެ އަގުހުރި ދުވަސްތަކަކީ ފަހު ދިހައިގެ ދުވަސްތަކެވެ. އަދި އޭގެ ތެރެއިން އެންމެ މާތް ރެއަކީ ލައިލަތުލް ޤަދުރު ރެއެވެ. މި ރޭތަކުގައި އަޅުކަން ކުރުމުން އަޅުގަނޑުމެންނަށް މުޅި އުމުރުގައި ވެސް ނުލިބޭވަރުގެ ދަރުމަ ލިބުމުގެ ފުރުސަތު ލިބެއެވެ.