ޕީޕިއެމްގެ ނައިބު ރައީސް އަދި ނައިފަރު ދާއިރާގެ މެންބަރު އަޙްމަދު ޝިޔާމްގެ ބަލިހާލުކޮޅު ގޯސްވުމުން ހޮސްޕިޓަލުގައި އެޑްމިޓްކޮށްގެން އިތުރު ފަރުވާ ދިނުމަށްފަހު ގެއަށް ދޫކޮށްލައިފިއެވެ.

ޕީޕީއެމް އިން ނެރުނު ބަޔާނެއްގައި ބުނެފައިވަނީ ޝިޔާމްގެ ސިއްޙީ ހާލުކޮޅު ދެރަވެގެން ހޮސްޕިޓަލުގައި އެޑްމިޓްކޮށްގެން ފަރުވާ ދިނުމަށްފަހު ގެއަށް ދޫކޮށްލާފައިވާ ކަމަށެވެ.

އަދި މިހާރު އެމަނިކުފާނުގެ ހާލުކޮޅު ރަނގަޅުވަމުން އަންނަ ކަމަށްވެސް ޕީޕީއެމްގެ ބަޔާނުގައި ހާމަކޮށްފައިވެއެވެ.

ޝިޔާމްގެ ހާލުދެރަވެފައިވަނީ ރައްޔިތުންގެ މަޖިލީހުގެ ޖަލްސާގައި އިންނަވަނިކޮށެވެ. ނަމަވެސް ޝިޔާމްގެ ސިއްހީ ހާލުކޮޅާމެދު އިތުރު ތަފްސީލެއް އެޕާޓީން ހާމަކޮށްފައެއް ނުވެއެވެ.