ލ.ގަމުގައި އުމުރުން 75 އަހަރުގެ އަންހެނަކަށް ޖިންސީ ފުރައްސާރަކޮށް އޮރިޔާން ކާޑު އުފެއްދި މައްސަލައެއްގައި މީހަކު ހައްޔަރުކޮށްފިއެވެ.

ފުލުހުން ބުނީ މި މައްސަލަ ފުލުހުންނަށް ހުށައެޅުނީ މިމަހުގެ 20ވަނަ ދުވަހުގައި ކަމަށެވެ. އިއްޔެގެ ވަގުތެއްގައި ކޯޓު އަމުރެއްގެ ދަށުން ވަނީ މި މައްސަލައިގެ ތުހުމަތުގައި އުމުރުން 28 އަހަރުގެ ފިރިހެނަކު ހައްޔަރުކޮށްފައެވެ.

މި މީހާގެ ބަންދާއި މެދު ގޮތެއް ނިންމުމަށް ކޯޓަށް ގެންދިއުމުން ވަނީ މިނިސްޓްރީ އޮފް ހޯމް އެފެއާޒްއިން ކަނޑައަޅާ ތަނެއްގައި ބަަންދުގައި ބަހައްޓައިގެން ތަހުގީގު ކުރިއަށްގެންދަން، 15 ދުވަހުގެ މުއްދަތެއް ދީފައެވެ.

މި މައްސަލަ އިތުރަށް ތަހުގީގުކުރަމުންދާ ކަމަށް ފުލުހުން ވަނީ ބުނެފައެވެ. 

ފޮޓޯ: ވަން އޮންލައިން