ޖާބިރު ފައިސާ ދިން ކަމަށް ބުނާ ވާހަކަ ރައީސް މައުމޫނުގެ އޮފީހުން ދޮގުކޮއްފި

29 Nov 2018 | 07:54

ކުރީގެ ރައީސް މައުމޫނަށް ރިޔާސީ އިންތިހާބްގެ ކެންޕެއިނަށް ވިޔަފާރިވެރިޔާ ޢަބުދުﷲ ޖާބިރު 29 މިލިއަން ރުފިޔާ ދެއްވިކަމަށް ބުނެ ދައްކަވާ ވާހަކަފުޅު ރައީސް މައުމޫނުގެ އޮފީހުން ދޮގުކޮއްފިއެވެ.

މިކަން ދޮގު ކުރައްވާ ރައީސް މައުމޫނުގެ އޮފީހުން މިރޭ ނެރުނު ބަޔާނެއްގައި ބުނެފައިވަނީ ގުޅިފައިވާ ސިޔާސީ ޕާޓީތަކުން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު އިންތިހާބު ކުރުމަށްޓަކައި ކުރި މަސައްކަތުގެ ތެރެއިން ރިޔާސީ އިންތިހާބުގެ ކެމްޕެއިނަށް، ރައީސް އަލްއުސްތާޛު މައުމޫން ޢަބްދުލް ޤައްޔޫމާއި ކެމްޕެއިންގައި އިސްކޮށް ހަރަކާތްތެރިވި މައުމޫން ރިފޯމް މޫވްމަންޓްގެ ހީވާގި ޓީމަށް، ޢަބްދުﷲ ޖާބިރު އެއްވެސް ފައިސާއެއް ދީފައިނުވާ ކަމަށެވެ. އެވާހަކަފުޅަކީ އިތުރުފުޅެއްކަމަށެވެ.

އަނބިކަނބަލުން ދިޔާނާ ސައީދު އަންނަ ރައްޔިތުން މަޖިލީސް އިންތިހާބްގައި ގއ.ވިލިގިނލީ ދާއިރާއަށް ވާދަ ކުރައްވާތީ އެކަމަށް ރައީސް މައުމޫނު ހުރަސް ނާޅުއްވާނެ ކަމަށް އެއީ އެމްޑީޕީ ކޯލިޝަނަށް ވެރިކަން ހޯދުމަށް ކުރެވުނު ރިޔާސީ ކެމްޕޭނަށް ރައީސް މައުމޫނަށް 29 މިލިއަން ރުފިޔާ ދެއްވި ކަމަށް ވިދާޅުވެ ޖާބިރު އަމިއްލަފުޅަށް ކުރެއްވި ޓްވީޓްގެ ސަބަބުން ގިނަ ބައެއްގެ ފާޑު ކިޔުންތައް ވަނީ ރައީސް މައުމޫނަށް އަމާޒުވެފައެވެ.

ނިމިދިޔަ ރިޔާސީ އިންތިހާބްގައި ޖާބިރު މަސައްކަތް ކުރައްވާފައިވަނީ ރައީސް ނަޝީދުގެ އެޑަވައިޒަރެއްގެ ގޮތުގައެވެ.

Advertisement

ކޮމެންޓް