ހުޅުމާލެ ފޭސް 2 އިން ގެއްލުނު މީހާ އަދިވެސް ނުފެންނަ ކަަމަށް ފުލުހުން ބުނެފިއެވެ.
ހުޅުމާލެއިން ޒުވާނެއް ގެއްލިގެން އުޅޭ ކަން އަންގައި ފުލުހުން އިއްޔެ ކޮށްފައިވާ ޓުވީޓެއްގައި ބުނެފައިވަނީ ހުޅުމާލެ ފޭސް 2 ގައި ދިރިއުޅޭ މުޙައްމަދު އަޛުހާން، 27، ގެއްލިގެން ފުލުހަށް ރިޕޯޓްކޮށްފައިވަނީ އިއްޔެ ހެނދުނު 06:00 އެހައިކަންހާއިރުކަމަށެވެ. އަދި އޭނާ އެންމެފަހު ފެނުނުއިރު ލައިގެން ހުރީ މާޖެހި ޕީޗް ކުލައިގެ އަތްކުރު ގަމީހެއް ކަމަށްވެސް ފުލުހުން ވަނީ ބުނެފައެވެ.
މީގެ އިތުރުން މުޙައްމަދު އަޛުހާނާ ބެހޭ އެއްވެސް މައުލޫމާތެއް އެނގިލައްވާ ފަރާތެއް ވާނަމަ ހުޅުމާލެ ފޭސް 2 ގެ ޕޮލިސް ސްޓޭޝަން ނަންބަރު 9393351 އަށް ގުޅުއްވުމަށްވެސް ފުލުހުން ވަނީ އާންމު ރައްޔިތުންގެ ކިބައި އެދިފައެވެ.
ގެއްލުނު އަޛުހާން ފެނިފައިވޭތޯ މީޑިއާ އިން މިއަދު ފުލުހުންނާއި ސުވާލު ކުރުމުން ފުލުހުން ބުނީ، އޭނާ އަދިވެސް ނުފެންނަ ކަމަށާ، އޭނާ ހޯދުމުގެ މަސައްކަތް އަދިވެސް ކުރަމުންދާ ކަމަށެވެ.
އާންމު ގޮތެއްގައި ގެއްލޭ މީހުން ހޯދުމަށް އާންމުންގެ އެހީތެރިކަމަށް ފުލުހުން އެދެނީ އެ އިދާރާއިން އެމީހަކު ހޯދުމަށް މަސައްކަތް ކުރުމަށްފަހު ކާމިޔާބު ނުވުމުންނެވެ.
Advertisement
This content is created and paid for by advertisers and does not involve Voice Journalists
